Бүген мәктәбебездә Саба муниципаль районы Башкарма комитетыннан вәкил - Исхакова Альбина Раиф кызы балалар белән очрашу үткәрде. Әңгәмә барышында ул укучыларга терроризм турында сөйләп, эчтәлекле видеосюжет күрсәтте, укучылар тарафыннан ясалган хокук бозу очраклары турында аңлатып, балаларны вакытны әрәмгә уздырмыйча, тырышып укырга өндәде. Шулай ук юлда йөрү кагыйдәләре турында сөйләп, укучыларга  кагыйдәләрне төгәл үтәргә кирәклеген ассызыклады, 71 нче Закон турында искәртте.  Якынлашып килүче Яңа ел бәйрәмнәре вакытында перотехник эшләнмәләр кулланмаска, кулланган очракта бу эшләнмәләрнең нинди аяныч хәлләргә китерергә мөмкин булуын аңлатты. Әлеге очрашу укучыларыбыз өчен бик файдалы һәм үтемле булды.

3 нче декабрь көнне мәктәбебездә "Билгесез Солдат көне" билгеләп үтелде. 11 нче сыйныф укучысы Габдулхакова Айгөл презентация буенча бу көн турында тарихи мәгълүматлар белән таныштырды. Соңыннан укучылар авылыбызның мемориалына барып чәчәкләр куйдылар.

Бүген армия сафларыннан әйләнеп кайткан элекке укучыларыбыз Гафиятов Тәлгать һәм Каримов Рүзәлләр белән очрашу булды.  Солдат егетләр үзләренең армия хезмәте турында сөйләделәр, укучыларның сорауларына җаваплар бирделәр.

Мәктәбебездә 1 нче декабрьдә "Тукта СПИД!" акциясе кысаларында, "СПИД 21 нче гасыр чире" дип аталган темага әңгәмә үткәрелде. Укучылар сыйныф сәгатендә  заманның иң яман чире булган СПИД турында бик күп мәгълүмат алдылар, стенгазеталар чыгардылар һәм видеоязма карадылар.

 Мәктәбебездә “Әниләр көне” уңаеннан  “Илгә батырлыкны, җиргә матурлыкны сез бирәсез, газиз әниләр!”  исемле әдәби-музыкаль кичә үткәрелде. Укучыларыбыз кадерле әниләрен котлап җырлар җырладылар, шигырьләр укыдылар, дәртле биюләр башкардылар.

  Бу көннәрдә фән олимпиадаларының муниципаль этаплары бара. Мәктәбебезнең 6 нчы сыйныф укучысы Минкәбиров Айзат математика фәненнән 2 нче призлы урынны яулады. (Укытучысы: Гафиятова Г.А.) Афәрин, Айзат!

  22 ноября в 4-х, 6-х, 8-х классах прошло диагностическое тестирование по английскому языку. 

  Мәктәбебезнең 11 нче сыйныф укучысы Галимҗанова Рәфидә “Бәйсез “Глаголица” Халыкара әдәби премиясе – 2016” да катнашып, “Татар телендә проза” номинациясендә Гран – прига лаек булды. Ул “Глаголица - 2016” символы – бәллүр ябалак, яңа модельле планшет, яхшы эчтәлекле "Кече китапханә" җыелмасы, "Казан шәһәре күренешләре" сувенир комплекты белән бүләкләнде. Аның әсәре “Бәйсез “Глаголица” Халыкара әдәби премиясе – 2016" махсус альманахына кертелде. Рәфидәне зур җиңүе белән котлыйбыз һәм киләчәктә иҗатында уңышлар телибез. Афәрин!