Табигатьнең яңа күлмәк киеп,

Чәчәкләргә күмелгән көннәре.

Җир шарында Сабантуйлар гөрли,

Халкыбызның күркәм бәйрәме.

 Шушы бәйрәмнән дә олы бәйрәм

Була алмый һәм ул булмас та.

Җәелде ул бөтен дөньяга,

Кабул итте барча халык та.

Тәрҗемәсе юк бу сүзнең

Һәр тел өчен бары – Сабантуй.

Аңладылар: кыргый түгел икән татар,

Сөендерә безне дөрес уй.

Төрле уен, ярыш, көрәшләрдә

Иң көчлеләр җиңә, мактала.

Сугышып түгел, мәйдан уртасында

Җиңүләр хас татар халкына.

Көтеп алган Сабантуйлар җитте,

Күңелләрдә чәчәк бәйләме.

Куанычлар, шатлык белән узсын

Халкыбызның олы бәйрәме.

   “Кадерле укучыларым! 4 ел сизелми дә үтеп  китте. Бүген сезнең өчен башлангыч мәктәп белән саубуллашу кыңгыравы чыңлады. Сезне чын күңелемнән шушы иң истәлекле, шатлыклы көнегез белән тәбрик итәм. Инде сез горурланып, “Без инде зур үстек, бишенчегә үк күчтек!” дип әйтә аласыз. Сезне бу зур уңышыгыз белән чын күңелемнән котлыйм. Сез һәрвакыт минем ышанычымны акладыгыз. Киләчәктә сезгә тагын да зур уңышлар телим. Үзегезне һәр җирдә үрнәк тотыгыз, укыткан укытучыларыгызны беркайчан да онытмагыз!”

 

Бик зур бәйрәм безнең өчен бүген, 

Ләкин саубуллашу түгел, газиз мәктәбем. 

Көзләр җитү белән кулга чәчәк тотып, 

Килеп тә җитәрбез без тагын!" - дип, җавап бирделәр укучылар. 

  Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп алалар. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора. Чөнки, үсеп килүче буын – ул безнең киләчәгебез, илебезнең киләчәге. Без алар хакына яшибез. Балаларыбызны мәрхәмәтле һәм кешелекле булырга өйрәтү – изге бурычыбыз.   Бүген, ямьле Мишә буенда, Халыкара балаларны яклау көне уңаеннан, Сабантуй бәйрәме үткәрелде. Укучылар бик теләп төрле ярышларда катнаштылар: чүлмәк вату, су ташу, капчык киеп йөгерү, таяк һәм аркан тарту. Һәр уенның җиңүчесе билгеләнеп барылды. Бәйрәмнән һәр бала күтәренке күңел һәм истәлекле бүләкләр белән таралды.