Кешене мәрхәмәтле, шәфкатьле булырга кечкенәдән үк өйрәтергә кирәк. Һәр укытучының төп максатының берсе – балаларыбызда шәфкатьлелек, мәрхәмәтлелек, тәүфыйк- миһербан, игелек-изгелек, ярдәм, киң күңеллелек, кадер-хөрмәт, наз-игътибар, юмартлык, сабырлык, итагатьлелек кебек сыйфатлар тәрбияләү. Укучылар ярдәмгә мохтаҗ өлкән буын кешеләренә төрле эшләрдә булышалар. Ә өлкәннәр балалар белән аралашуны көтеп, ярдәмнәренә куанып торалар. 

 8 нче сентябрь көнне мәктәбебездә "Көзге игелек атнасы" кысаларында, "Яхшы сүз балдан татлы" дигән тема астында шигырьләр конкурсы үткәрелде. Укучылар үзләренең фикерләре белән уртаклаштылар, кроссворд чиштеләр, шигырьләр сөйләделәр. Шигырь конкурсы Роберт Миңнуллинның "Яхшылык" дигән шигыреннән өзек белән тәмамланды.

Яшәү безгә авыр булыр иде

Яхшылыктан башка.

Шуңа күрә яхшылыкны эшлик

Без үзебез башта. 

   Яңа уку елы башлану белән мәктәбебездә ата-аналар җыелышы үткәрелде. Җыелышта укучылар, укытучылар һәм ата-аналар өчен мөһим булган мәсьәләләр каралды: балалар куркынычсызлыгын тәэмин итү, 71 нче законның үтәлеше, укучыларның туклануы, алда торган максатлар һәм бурычлар.

  Җыелышта авылыбыз фельдшеры Валиева Р.С. грипп һәм ОРВИдан саклану чаралары турында сөйләде. 

    В Татарстане стартовала акция "Помоги своей школе!" - "Үз мәктәбеңә булыш!". Сегодня каждый из нас  может помочь своей родной школе, в которой получал знания, находил друзей, делал свои первые самостоятельные шаги, а самое главное – искал себя и свой путь в жизни.

 Уважаемые друзья, поддержим Республиканскую акцию "Помоги своей школе!". В наших силах создать в школах Республики Татарстан современные условия для обучения и воспитания детей.

   "Үз мәктәбеңә булыш!" акциясе кысаларында авылдашыбыз Ярмиев Мансур Зиннур улы һәр ел саен мәктәбебезгә күп санда китаплар бүләк итә. Быел ул бүләк иткән китаплар арасында Г.Тукай әсәрләре, балалар яратып укый торган әкият, шигырь китаплары, укытучылар өчен ярдәмлекләр бар иде. 

        Татарстанда “Мәктәпкә әзерләнергә ярдәм ит!” хәйрия акциясе старт алды. Акция кысаларында республикабызда күп кенә чаралар үткәрелә. Шундый чараларның берсе - 28 июль көнне авылыбыз мәдәният йортында үтте. Бу чарада район җитәкчеләре, “Саба дулкыннары” телерадиокомпаниясе, “ТНВ –Планета” телеканалы, үзенең коллективы белән авылдашыбыз, Г .Кариев исемендәге яшь тамашачы театры директоры – Ярмиев Мансур Зиннур улы, I сыйныфка укырга керүче укучылар һәм аларның әти-әниләре катнашты. Мансур Зиннур улы һәр елдагыча, үзенең изге гамәленә тугры калып, булачак I сыйныф укучыларына һәм ярдәмгә мохтаҗ гаиләләрнең балаларына уку кирәк – яраклары тутырылган сумкалар бүләк итте. Соңыннан театр коллективы “Нигез ташлары” исемле бай эчтәлекле спектакль күрсәтте. Рәхмәт Сезгә, Мансур Зиннурович! Без Сезнең белән горурланабыз!