19 нчы февраль көнне 5 нче сыйныф укучылары белән "Хәтерләрдә дә упкын бар" дип аталган сыйныф сәгате уздырылды. Әлеге сыйныф сәгате Әфганстанда интернациональ бурычын үтәгән авылдышыбыз, Кызыл Йолдыз ордены кавалеры - Газизуллин Мөнир Кәрәм улының батырлыгына багышланды.

   Мәктәбебездә 15 нче февральдән 20 нче февральгә кадәр, Халыкара Туган тел көне уңаеннан, татар язучыларының әсәрләренә иҗат ителгән рәсемнәр бәйгесе үткәрелде. Бәйгедә призлы урыннар алучыларга бүләкләр һәм грамоталар тапшырылды.

   Халыкара Туган тел көне уңаеннан, татар теле һәм әдәбияты укытучысы Галиева Гөлназ Хәмит кызы "Туган телем - иркә гөлем" исемле кичә үткәрде.

   18 нче февраль көнне балалар иҗат үзәгендә район Балалар Думасының чираттагы утырышы узды. Анда мәктәбебезнең 10 нчы сыйныф укучысы, район Балалар Думасы спикеры Габделхакова Айгөл чыгыш ясады. Утырышта шулай ук агымдагы уку елында үткәреләчәк акцияләр, конкурслар, башкарасы эшләр турында фикер алышулар булды. "Брейн - ринг" интеллектуаль уенында да активистлар сынатмадылар.

   Габделхакова Айгөл Бердәмроссиялеләр белән берлектә үткәрелгән "Туган тел" акциясендә.

   Бүген башлангыч сыйныф укучылары кышкы табигатьтә экскурсиядә булдылар.

   Һәр атнаның чәршәмбе көнендә, 2016 - 2017 нче уку елында 1 нче сыйныфка укырга керүче балалар өчен, булачак укытучылары Хаҗиева Рәмзия Хәмит кызы җитәкчелегендә әзерлек дәресләре үткәрелә. 

   Кичә Габдулла Кариев исемендәге Казан татар дәүләт яшь тамашачы театры (җитәкчесе - авылдашыбыз Ярмиев Мансур Зиннур улы) авылыбызда кунакта булып китте. Театр коллективы мәктәп балалары өчен "Супер Светофор" һәм өлкәннәр өчен "Кичер мине, әнкәй!" спектакльләрен тәкъдим итте. Спектакльләр тамашачыларга бик ошады. Театр коллективына алга таба да зур уңышлар телибез. 

   Бүген мәктәбебездә хәрби - патриотик айлык кысаларында отжимание ярышы үткәрелде. Анда барлык егетләребез дә актив катнашты.