4 октябрь көнне район мәдәният йортында "Гаилә һәм мәктәп" журналы оештырган "Күркәм гаилә - 2015" республика конкурсының район этабы узды. Явлаштау урта мәктәбеннән Ахметовлар Ринат һәм Светлана гаиләсе чыгыш ясады.  Аларны II урын алулары белән котлыйбыз!!!

 5 октябрь - Укытучылар көне буларак билгеләп үтелә. Шушы бәйрәм уңаеннан Явлаштау урта мәктәбе укучылары тарафыннан бик матур бәйрәм концерты күрсәтелде. Бәйрәмебез кунаклары итеп ветеран укытучыларыбыз чакырылды. Аларда үзләренә карата булган хөрмәткә үзләренең теләкләрен белдерделәр.

Өлкәннәр көне уңаеннан мәктәпләрдә төрле чаралар үткәрелде. Башлангыч сыйныфта укучы балаларның әби - бабайлары һәм мәктәптә эшләп ялга чыккан өлкәннәребез хөрмәтенә бәйрәм чарасы үткәрелде. Нәниләр әби - бабайлар хөрмәтенә җыр- биюләр, шигырьләр, үз куллары белән ясалган бүләкләр әзерләделәр, өлкәннәрне тәмле чәй белән сыйладылар.

Бүген мәктәбебездә корбан ашы үткәрелде. Халиков Рамиль Рафисович Корбан бәйрәме турында сөйләде, укучыларны кызыксындырган сорауларга җавап бирде.

Бүген мәктәбебездә  "Милләтләр кроссы- 2015" үтте. Бу чарада барлык укучылар, укытучылар һәм техник хезмәткәрләр актив катнашты, йөгерештә призлы урыннар алган укучыларга истәлекле бүләкләр тапшырылды.

"Оста куллар" түгәрәге җитәкчесе Фаваризова Г.Г. укучыларга күннән чәчәкләр ясарга өйрәтте. 

Бүген укучыларның Бөтенроссия  олимпиадасының мәктәп туры башланып китте.

Бүген мәктәптә өмә. Укучылар һәм укытучылар мәктәп территориясен чистарту, мәктәп яны тәҗрибә участогында кишер, чөгендер алу белән шөгыльләнделәр.

Бүген балалар коллективын оештыручы Ахатова Тагъзимә Айратовна 3 нче сыйныф укучылары белән "юл йөрү кагыйдәләре" дип исемләнгән җыен үткәрде.