Буген лагерыбызда техник иҗат атналыгы башланып китте. Балалар урман буена сәяхәткә чыктылар, төрле табигый материаллар җыйдылар. Табигый материаллар кулланып "футбол стадионы", "ял итү паркы" макетлары ясадылар. Иҗади конкурска нәтиҗә ясалып бүләкләр бирелде.

Бүген кечкенә елгаларны һәм инешләрне саклау көне. Шушы уңайдан Мишә елгасы ярларын чүптән арындырдык. Мишә елгасы буена "Нептун"да кунакка килде. Көнебез  файдалы һәм күңелле үтте.

Бүген лагерыбызда  чәчәкләр көне. Барыбыз бергә ямьле Мишә буендагы чәчәкле болынга бардык. Болында иң матур чәчәк букетына конкурс үткәрдек.

Бүген укучыларыбыз Явлаштау авылы чишмәләренә сәяхәткә бардылар. Аларның иң зур ярдәмнәре булып бөтен чишмә буйларын пычраклардан чистарту булды. Тирә- якта килешсез яткан агачларны да читкә алып куйдылар. Укучыларыбыз "Дару үләннәре җыю" акциясендә дә бик актив катнашалар.

Физика атналыгы кысаларында укучылар кызыклы физик тәҗрибәләр үткәрделәр, әле физика фәнен укымасалар да бу тәҗрибәләрне бик кызыксынып күзәттеләр. Гөлфирә Наиловна биргән сорауларга җаваплар да бирделәр. 

Балык тоту буенчада укучылар бер- берсеннән калышмадылар. Иң күп балык тотучы булып Ганиев Айдар, иң зур балык тотучылар булып Сабирҗанова Алия,Гильмутдинова Гөлүсә һәм  Галимҗанов Ризатлар билгеләнде.

Бүген "Мишә" лагерында "Бантиклар бәйрәме" үтте. Кызлар арасында бу бәйрәмдә I урынга Галиева Гөлинә, II урынга Ахатова Гөлдәния, III урынга Акбирова Динара лаек булды. Шулай ук бәйрәмдә малайлар да бик теләп катнаштылар  I урын- Галимзянов Нүрсил, II урын- Галимзянов Ризат, Минкабиров Айзат, III- урын Ганиев Айдар, Акбиров Альмир, Газизуллин Айназлар җиңү яуладылар.

Бантиклар бәйрәменнән соң "Йомшак буын" уены үткәрелде. Бу уенның җиңүчесе булып Сабирҗанова Алия танылды. Җиңүчеләргә истәлекле бүләкләр тапшырылды. Балалар бу көнне дә бик актив булдылар, зур канәгатьләнү белән өйләренә таралыштылар.

Гадәттәгечә иртәнге зарядка һәм линейка белән башланып киткән көн шактый кызыклы, үзенчәлекле вакыйгаларга бай булды.

Ниһаять, көтеп алган каникуллар да килеп җитте. Ләкин мәктәп белән саубуллашу өчен бу сәбәп түгел. Чөнки бүген, ягъни 1 нче июнь көнне мәктәбебездә "Мишә" ял һәм сәламәтләндерү лагеры эшли башлады. 20 укучы бирегә ял итәргә килде.

Бүген башлангыч сыйныф укучылары арасында " Фәнгә беренче адымнар" дип исемләнгән район күләмендә   проект-эзләнү эшеләре буенча конкурс үткәрелде. Мәктәбебезнең IV сыйныф укучысы Галимҗанов Нурсил ( укытучысы Зарипова Розалия Фаилевна)  "Үзенчәлекле фольга" дип исемләнгән проект эше белән III урынга лаек булды. Нурсилне җиңүе белән котлыйбыз, алда уңышлар телибез.

Бүген мәктәбебездә фронтовик язучылар һәм шагыйрьләрнең иҗатына багышланган "Сезнең иҗат -  үзе батырлык" дип исемләнгән әдәби-музыкаль кичә үткәрелде. Кичәне Фаваризова Гөлнирә Галимҗан кызы әзерләде.