23 нче февраль-Ватанны саклаучылар көне уңаеннан мәктәбебезнең 5-11 сыйныф егетләре арасында ярыш үткәрелде. Бәйрәм концерт программасы белән үрелеп барды.

Бүген башлангыч сыйныф укучылары үзләренең әтиләрен 23 нче февраль-Ватанны саклаучылар көне белән котлап, аларга зур бәйрәм концерты тәкъдим иттеләр, үз куллары ясаган бүләкләрен тапшырдылар.

Бүген 10 сыйныф укучысы Валиева Әлфинә һәм Гыйлметдинова Илсинә Саба балалар иҗат үзәгендә үткәрелгән Балалар район Думасының чираттагы утырышында катнаштылар.

Бүген бию сәнгатен яратучы укучылар белән үткәрелгән рәсем конкурсына йомгак ясалды. Җитәкчесе Әхмәтҗанова Әдилә Госман кызы.

Мәктәбебезнең 9 нчы сыйныф укучысы Гыйлметдинова Илсинә Казан шәһәрендә үткәрелгән Фатих Кәрим исемендәге фәнни-практик конференциядә катнашты. Бүген Илсинә мәктәп укучылары белән конференциядә алган яңалыклары белән уртаклашты.

Бүген 5 нче сыйныф укучылары тарих укытучысы Ярмиева Гүзәл Мәсгутовна белән берлектә авыл хуҗалыгы машиналары паркына экскурсия ясадылар. Күмәк хуҗалыкта аграном вазыйфаларын башкаручы Фәйзрахманов Наил абый аларны авыл хуҗалыгындагы техникалар, хәзерге вакытта анда башкарыла торган эшләр белән таныштырды.

Балалар коллективын оештыручы Ахатова Тәгъзимә Айратовна 5 нче сыйныф укучылары белән "Сугыш безнең балачакны урлады" дип исемләнгән җыен үткәрде.

6-7 сыйныфта укучылар белән "Әй, сез, егетләр" дип аталган ярыш үткәрелде. Бу ярышта егетләребез үзләренең һәръяклап белемнәрен күрсәттеләр: төрле дөньяви сорауларга җавап бирделәр, спортта көчләрен сынаштылар, төрле катлаулы ситуацияләрдән чыгу юлларын эзләделәр.Ярышта иң көчлеләр дип Галиев Рәнис, Ярмиев Рәзил, Аухадиев Фидәрисләр табылды.

Республика күләмендә үткәрелүче "Замечательный вожатый-2015" конкурсының зона ярышларында  катнашып, 10 нчы сыйныф укучысы Валиева Әлфинә  финалда катнашу мөмкинлеген алды. Аңа  киләчәктә уңышлар,югары үрләр яулавын телибез.