7- 21 нче сентябрь көннәрендә узучы "Яшә, чишмә!" акциясендә безнең мәктәп тә актив катнаша. 6-8 нче сыйныф укучылары Галимҗан чишмәсе тирәсен чистартылар.  Алар үзләре башкарган эштән кәнәгать калдылар.

Буген районыбызда мәгариф хезмәткәрләре спартакиадасында мәктәбебез укытучылары актив катнашып 2 нче урынны яуладылар. Котлыйбыз аларны!

Бүген 5 сыйныф укучылары белән Татарстан Варислары Берлеге сафларына кабул итү тантанасы булды. Укучылар тантана  барышында тырышып укырга,тәртипле булырга һәм барлык эшләрдә дә актив катнашырга һәм Татарстан Варислары Берлегенең кагыйдәләрен төгәл үтәргә сүз бирделәр.  Тантана галстуклар бәйләү белән тамамланды. 

"Праздник трезвости" акциясе кысаларында югары классларга алкоголь һәм наркотик матдәләрнең организмга зыяны турында  тәрбия сәгатьләре, башлангыч сыйныф укучылары арасында рәсем конкурсы һәм "күңелле стартлар" үткәрелде. 

Әлеге акция кысаларында буген 6-7 нчы сыйныф укучылары белән әңгәмә үткәрелде, анкеталар тутыртылды. 

"Осенняя неделя добра" акциясе кысаларында укучылар үзләре утырткан агачларның төпләрен йомшарттылар, мәктәп яны территориясен, юл кырыендагы һәм ял итү урыннарын чүптән арындырдылар.

"Свежий ветер- 2015" Республикакүләм агидбригада фестивалендә "Экстрим"  командасы актив катнашып сертификатка ия булды. 

3нче сентябрь көнне мәктәптә “Экстремизмга – юк!” дип аталган бердәм Республика дәресләре үткәрелде. Әлеге чараның төп максаты – җәмгыятебездә милләтара  татулыкны ныгыту, террорлык һәм экстремистлык чагылышларына юл куймау. Моның өчен үзара аңлашып яшәүне, бер-береңә карата түземле булуны, башка милләт һәм дин вәкилләренә, аларның традицияләренә хөрмәт белән карауны тормыш нормасы итү, яшьләрне дә шундый рухта тәрбияләү максат итеп куела.

Бүген 1-6 классларда беренче дәрес тынычлык дәресе,  7-11 классларда ГТО дәресләре үтте.

29 август көнне мәктәбебездә экологик акция үткәрелде. Акция кысаларында Бөек Ватан сугышында һәлак булганнар истәлегенә куелган һәйкәл яннары, мәктәп территориясе җыештырылды.