Бүген  5-7  нче сыйныф җитәкчеләре Галиева Г.Х., Ахметова С.В., Файзыханова А.И.  укучыларга Нюренберг процессына 70 ел уңаеннан “Фашизм турында ниләр беләсез” дигән темага тәрбия сәгатьләре үткәрделәр. Әңгәмә барышында, сугыш – бу сүз күп кешеләрнең күңелендә аяныч һәм сагыш уятуы,  анда аларның әтиләре, абыйлары, ирләре һәлак булулары турында балалар бәйнә-бәйнә үзләренең фикерләрен җиткерделәр. 

15 нче январь көнне мәктәбебездә капиталь ремонт башланып китте. Хәзерге вакытта зданиеның тышын төрәләр.

Бүген, 19 январь көнне Явлаштау урта мәктәбе 8-9 сыйныфларында тарих укытучысы Ярмиева Г.М. Нюрнберг шәһәрендә халыкара хәрби трибунал немец хәрби җитәкчеләренең эшен карауга 70 ел уңаеннан “Хаклык авазы” дигән темага дәрес үткәрде. Дәрестә “Нюрнберг 70 лет спустя” дигән документаль фильм күрсәтелде һәм фильм буенча әңгәмә үткәрелде.  Укучылар дәрестән бик тетрәнүле халәттә чыктылар

Мәктәбебездән 15 укучы Лесхозда Саба районы башлыгы Рәис Миңнехановның балалар өчен үткәрелгән чыршы бәйрәмендә катнашты. Укучыларыбыз бәйрәмнән күтәренке кәеф белән кайттылар.

Кар сыннары конкурсы нәтиҗәләре буенча безнең мәктәп III нче урынга лаек булды. Мәктәбебез янын бизәүгә хезмәте кергән һәркемгә дә зур рәхмәтебезне җиткерәбез.

В соревнованиях по баскетболу среди работников образования, команда нашей школы заняла II место. Поздравляем наших учителей и желаем им дальнейших спортивных успехов!

Бүген башлангыч һәм 5-6 сыйныф укучыларының Яңа ел бәйрәме үтте. Бәйрәмебез чыршы тирәсендә әйлән-бәйлән уеннары һәм концерт номерлары белән үрелеп барды. Яңа ел бәйрәме бик матур һәм күңелле үтте.

Бүген 7-11 сыйныф укучыларының Яңа ел бәйрәме үтте. Һәр класс үзенчәлекле костюмнардан киенеп бик матур концерт номерлары, уеннар әзерләделәр. Бәйрәмдә уку алдынгыларын, олимпиада да яхшы нәтиҗә күрсәткән укучыларыбызны тәбрикләү булды. Яңа ел бәйрәме бик күңелле үтте.

Укучыларыбыз һәм укытучыларыбыз көче белән мәктәбебез ишегалдында кар сыннары ясадык.