6 нчы февраль көнне Эзмә урта мәктәбе базасында волейбол уеннарының зона туры узды. Анда безнең кызларыбыз I урынны яуладылар (тренерлары Фазылов И.И.). Афәрин, кызлар!Район этабында да сезгә бары тик уңышлар гына елмайсын!.

   Икшермә мәктәбе базасында үткәрелгән әдәби квестта 3 нче сыйныф укучысы Галимуллина Сөмбел һәм 4 нче сыйныф укучысы Маликов Айзат катнашып,  I урынны яуладылар. Котлыйбыз!

  С 1 февраля 2020 г начинается прием в 1 класс 2020-2021 учебного года. Записать ребенка в первый класс можно только в электронной форме (а для этого заранее необходимо зарегистрироваться на интернет-портале Госуслуг.)

 По всем вопросам можете позвонить по телефону 88436246835

  7 нче декабрь көнне район үзәгендә мәктәпләр арасында шахмат буенча турнир булып узды. Әлеге турнирда мәктәбебезнең 5 нче сыйныф укучысы Галимҗанов Булат II урынга лаек булды. Җитәкчесе Шакирова Марсилә Мәҗит кызы. Сезне җиңүегез белән котлыйбыз, киләчәктә дә уңышлар телибез!

   26 нчы ноябрь көнне Балалар иҗат үзәгендә "Алтын башмак" дип исемләнгән бию бәйгесе булып узды. Бәйгедә мәктәбебезнең "Грация" бию төркеме катнашып I урынга лаек булдылар. Җитәкчеләре Рахимуллина Чулпан Әмир кызы. Кызларыбызга алга таба да уңышлар телибе!.

   Башкалабыз Казанда 21-23 октябрь көннәрендә "Ел лидеры-2019" XVII балалар һәм яшьләр иҗтимагый берләшмәләре лидерлары һәм җитәкчеләре республика бәйгесенең йомгаклау этабы узды. Бу бәйгедә мәктәбебезнең VIII сыйныф укучысы Габдрахманова Ләйсән читтән торып катнашу этабын узып, йомгаклау этабында катнашу хокукы алды. Бу өч көнлек бәйгедә алар чын мәгънәсендә үзләренең лидерлык сыйфатларын ачтылар: аралаштылар, үзләре белән таныштырдылар, проект якладылар, бәхәсләштеләр, балалар думасы буенча күп кенә сорауларга җавап бирделәр. Бәйге балаларда онытылмаслык якты хатирәләр калдырды.

    Хөрмәтле әти-әниләр, укытучылар һәм укучылар!                                                                                                            Билгеле булганча, 19 октябрь көнне  13:00 сәгатьтә Дөньякүләм белем бирү  «Татарча диктант» акциясе үтәчәк.  Акциянең төп максаты- татар телендә хатасыз язарга өйрәнү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Катнашучыларның ничә яшьтә булулары мөһим түгел. Әйдәгез, әлеге акциягә без дә кушылыйк. 19 нчы октябрь көнне  Явлаштау урта мәктәбендә барыгызны да көтеп калабыз.