Сәләтле балалар мәктәбендә уздырылган шахмат турнирында безнең укучыларыбыз да актив катнашты, ә 8 нче сыйныф укучысы Ганиев Айдар "Җиңүгә омтылыш" грамотасы белән бүләкләнде. Җитәкчеләре Шакирова Марсилә Мәҗит кызы. Алга таба да уңышлар сезгә!

   Иртәнге линейкада төрле ярышларда һәм конкурсларда җиңү яулаган укучыларыбыз бүләкләнде.

   Бию – ул сәнгатьнең бер төре, рухи шөгыль. Теләсә кайсы биюнең төп максаты-ул сәнгатьле образ тудыру. Бүген Явлаштау урта мәктәбе коллективы да “Биеп күңел ачабыз” дип исемләнгән “Бию көне” уздырды. Әлеге чарада укучылар тамашачыларга искиткеч матур биюләр тәкъдим иттеләр. Чараның җитәкчесе – Рахимуллина Чулпан Әмировна. Сезнең барыгызга да иҗади уңышлар телибез!

    Республикабызда, шул исәптән Саба муниципаль районында да, 1 нче апрельдән 31 нче майга кадәр санитар - экологик чисталык икеайлыгы игълан ителде. Икеайлык дәвамында өмәләр  оештырылачак. Аның шарты буенча һәр кеше үзе яшәгән, үзе эшләгән тирәлекне тәртипкә китерергә, табигатебезнең гүзәл, сулар һавабызның саф, эчәр суларыбызның чиста булуына өлеш кертергә тиеш. Икеайлык кысаларында мәктәбебез тирәсендә дә өмә оештырылды: карлар таратылды, чүпләр җыйналды. 

Мәктәбебезнең кызлар командасы Шәмәрдәндә уздырылган волейбол ярышында III урынны яуладылар. Афәрин! Уңышларыгыз күп булсын!