Әфганстаннан совет гаскәрләре чыгарылуга 30 ел тулу уңаеннан уздырылган шахмат ярышларында безнең мәктәп укучылары да катнашты: Мөхлисуллина Фәридә, Ганиев Айдар һәм Шакиров Илгиз. Призлы урыннар яулаган укучыларны һәм җитәкчеләре Шакирова Марсилә Мәҗит кызын уңышлары белән котлыйбыз.

   15 февраль-Совет гаскәрләре Әфганстаннан чыгарылган көн. Сугышчы-интернационалистларны искә алу көне. Шул уңайдан безнең мәктәптә хоккей ярышлары булып узды. Әлеге ярышларда Явлаштау, Тимершык, Шыңар урта мәктәпләреннән һәм Шекше төп мәктәбеннән командалар көч сынашты. Безнең егетләребез беренче урынга лаек булды. Җитәкчеләре Гибадуллин Зөлфәт Фоатовичны, Габдрахманов Раушан Шогаеповичны һәм хоккейчы егетләребезне уңышлары белән котлыйбыз!

   Бүген Балалар иҗат үзәгендә күренекле татар язучысы, галим-фольклорист Нәкый Исәнбәтнең тууына 120 ел тулуга багышланган “Дулкыннар-2019” республика бәйгесенең район этабы үтте. Әлеге бәйгедә мәктәбебез укучылары да катнашып, призлы урыннар яуладылар. 4 нче сыйныф укучысы Ахметханова Алинә (җитәкчесе: Рахимуллина Ч.А.) вокал-соло номинациясе, уртанчылар төркемендә 1 нче урынга, 3 нче сыйныф укучысы Шаймуллин Ислам (җитәкчесе: Шаймуллина Л.Г.) рәсем номинациясе, кечкенәләр төркемендә 3 нче урынга һәм 7 нче сыйныф укучысы Шарафиева Таңсылу (җитәкчесе: Галимҗанов И.А.) рәсем номинациясе, зурлар төркемендә 3 нче урынга лаек булдылар. Афәрин, котлыйбыз! Алга таба да уңышлар юлдаш булсын!

   Укучыларга патриотик тәрбия бирү, аларны илебезгә лаеклы гражданнар итеп тәрбияләү максатыннан, Явлаштау урта мәктәбендә бик күп чаралар үткәрелә. Бүген үткәрелгән чара герой-шагыйрь Муса Җәлил исеме белән бәйләнгән.

   15 нче февраль көнне мәктәбебезнең фәнни эш белән шөгыльләнүче укучылары Кукмара районының 3 нче номерлы мәктәбе уздырган “Фән һәм кеше” дип исемләнгән регионара фәнни-гамәли конференциядә катнашып, урыннар яулап кайттылар. Түбәндәге укучыларга һәм укытучыларга рәхмәт җиткерәбез һәм алга таба да яңа ачышлар ясауларын теләп калабыз: 1 нче сыйныф укучысы Мөхлисуллина Әминә, 3 нче сыйныф укучысы Шамилов Ильмир, 4 нче сыйныф укучысы Ахметханова Алинә, 6 нчы сыйныф укучылары Галиева Айзилә, Ахметова Азалия, Ахметханова Гөлинә, 7 нче сыйныф укучылары Шакирова Айзилә, Габдрахманова Ләйсән, 8 нче сыйныф укучысы Якупова Эльвина (җитәкчеләре: Шакирова М.М., Хазиева Р.Х., Зарипова Р.Ф., Фаваризова Г.Г., Ахметова С.В., Рахимуллина Ч.А., Фахертдинова Г.Н., Ярмиева Г.М., Галимзянова Г.Г.).  Укучыларыбызны уңышлары белән котлыйбыз!

      Мәктәбебездә математика укытучыларының район семинары булып узды. Семинарда ачык дәресләр һәм класстан тыш чара күрсәтелде.

   Бүген Балалар иҗат үзәгендә "Иң шәп әйдаман-2019" бәйгесенең йомгаклау туры үтте. 8 нче сыйныф укучысы Галимҗанов Нурсил әлеге бәйгедә катнашып, "Самый добрый и отзывчивый вожатый" номинациясендә җиңүче булды. Афәрин, котлыйбыз!

   Мәктәбебезгә Нигериядән килгән, хәзерге вакытта КФУ студенты Prudence Attonoumbo кунак булып кайтты. Ул укучылар белән инглиз телендә аралашты, аларны кызыксындырган сорауларга җавап бирде. Әлеге очрашу бик җанлы һәм күңелле үтте. 

   Мәктәбебездә Саба районы башкарма комитеты вәкиле Альбина Раифовна Исхакова, югары сыйныф укучылары белән хокук бозуларны кисәтү максатыннан, әңгәмә үткәрде.