26 нчы март көнне район Балалар иҗат үзәгендә уздырылган "Без бергә" конкурсында "Грация" бию коллективының кечкенәләр һәм зурлар төркемнәре өченче урынга лаек булдылар. Уңышларыгыз белән котлыйбыз!

    20 нче март көнне Явлаштау урта мәктәбендә “Укучыларда уку күнекмәсен формалаштыруда-мәктәп китапханәсенең роле” исеме астында район китапханәчеләре семинары узды. Семинар кысаларында “Гайд-парк”  һәм күренекле язучы, журналист, Г.Тукай исемендәге премия иясе-Әмирхан Еникинең тууына 110 ел тулу уңаеннан,  “Ачыйк күңелләрне ак нур белән!” дип исемләнгән чара күрсәтелде. Семинар мәктәп китапханәчеләренең өстәл арты утырышы белән тәмамланды.

   Явлаштау урта мәктәбендә 2004-2005 нче укучы егетләр арасында волейбол ярышы узды. Әлеге ярышта Явлаштау, Эзмә урта, Шекше, Курсабаш төп мәктәпләреннән һәм Шәмәрдән лицееннан командалар катнашты. Нәтиҗәдә безнең егетләр командасы (җитәкчеләре Габдрахманов Р.Ш.) беренче урынга лаек булды. Молодцы, котлыйбыз һәм район этабында да уңышлар телибез!   

   Явлаштау урта мәктәбенең “Текәләр” командасы КВН уеннарының финал этабында ЧЕМПИОН калды. Уенчыларны һәм җитәкчеләрен зур җиңүләре белән котлыйбыз! Сезгә гел уңышлар гына юлдаш булуын телибез! Афәрин!

12 нче март көнне мәктәбебездә волейбол буенча “Весенняя капель” турниры узды. Әлеге турнирның катнашучылары - Явлаштау урта мәктәбенең укытучылар командасы, 2004-2005 нче елгы кызлар һәм егетләр командалары, ә уенның баш хөкемдары - Фазылов Илнур Илсурович иде. Уенда беренчелекне кызлар командасы яулады. Командаларга алдагы уеннарда уңышлар һәм җиңүләр телибез. Молодцы!

   Укучы егетләр бәйрәм уңаеннан бик матур концерт-тамаша күрсәттеләр. Рәхмәт аларга! 

   5 нче март көнне мәктәптә “Шаг в будущее” дип исемләнгән фәнни-гамәли конференция уздырылды. Әлеге конференция кысаларында 4-5 нче сыйныф укучылары чыгыш ясады.

   Иртәнге линейкада төрле бәйгеләрдә җиңү яулаган укучыларыбыз бүләкләнде.