Бүген башлангыч сыйныфлар атналыгының соңгы көне.Иң актив укучылар ачыкланды, конкурсларга нәтиҗәләр ясалды, грамоталар һәм истәлекле бүләкләр тапшырылды. 

Башлангыч  сыйныфлар  атналыгының   5 нче  көне  шахмат  буенча  турнир  үткәрүгә  багышланды.   Укучылар  номерлар  сайладылар  һәм  парлап  бүленделәр. Аннары  уен  башланып  китте.  Уеннар  бик  кызу  барды.  Ахырдан  һәр  классның  җиңүчеләре  билгеләнде.  Менә  алар: 1 класстан  Шайнуров  Илфар,  2  класстан  Галләмов  булат.  3  класстан  Сәләхиев  Язнур,  4 класстан Юсупов  Наил .  Аларны  котлыйбыз!

16 март көнне  башлангыч  сыйныфлар  атналыгының   дүртенче  көне  “Игелек  кылырга  ашык” темасына  җыен  үткәрүгә  багышланды. Балалар  отряд җырын   башкардылар,   девизларын әйттеләр.  Аннары укучылар  изгелек  кылу,  аның  әһәмияте  турында  сөйләштеләр,  төрле  уеннар  уйнадылар. 

-Нәрсә  соң  ул  игелек? – дигән  сорауга  җавап  эзләделәр. Ахырдан  “Һәр  көнне  игелек  кылырга  ашыгыйк”  дигән нәтиҗә  ясадылар.

13 март көнне  башлангыч сыйныф  укучылары   атналыклырын  ачып җибәрделәр.  Атналык үз  эченә  түбәндәге  максатларны куйды:

-укучыланың  танып-белү  активлыгын һәм  иҗади  сәләтләрен  үстерү; үзеңә  тапшырылган  эшкә  җаваплылык тәрбияләү;  коллективта  эшли  белү  күнекмәләре  булдыру.

Атналыкның  беренче  көнендә  “Безнең  илебез”,  Безнең  фантазия”  темаларына  рәсем  һәм  кул  эшләре  күргәзмәләре  оештырылган иде.

Бүген Иҗат үзәгендә үткән "Без бергә" конкурсының "Нәфис сүз" номинациясендә катнашып икенче урынга лаек булды. 

Бүген мәктәбебездә 8 март- Халыкара хатын-кызлар көне уңаеннан "Могҗизалар кыры" уены үтте.  Уенны Леонид Якубович үзе алып барды. 5-9 сыйныф кызлары өч турга бүленеп көч сынаштылар. Кызлар үзләре әзерләп килгән бүләкләрен: җыр-биюләрен дә күрсәттеләр.  7сыйныф укучысы Нагимова Зилә җиңүче булды. Чара бик матур үтте.

2017 нче ел Татарстан Республикасында Экология Елы дип игълан ителде. Шушы  уңадан без мәктәптә  Экология  дәресләре  үткәрдек.  Бу  дәресләрнең төп максаты – әйләнә - тирәне яратучы ,аңа сакчыл караучы социаль- актив , гуманлы иҗади шәхес тәрбияләү , экологик белемнәрне пропагандалау тора. Беребез дә  табигатькә зыян  салмыйк. Кылган эшләребез өчен хәзер дә, киләчәк  буыннар  алдында  җаваплы   икәнебезне   онытмыйк!

22 февраль көнне мәктәбебездә “Ягез әле, егетләр!” бәйгесе үтте. Әлеге чараны 5 сыйныф укучылары алып барды, 6-9 сыйныф егетләре ике командага бүленеп көч сынаштылар. “Лидер” һәм “Патриот” командалары “Таныштыру”,  “Рәсем ясау”, “Отжимание”, “Кадак кагу”, “Иҗади бирем үтәү” конкурсларында көч сынаштылар.  Аларны ял иттереп конкурслар арасында укучылар бәйрәмгә багашлап мәзәкләр сөйләделәр, җырлар җырладылар. Бәйге бик күңелле үтте. Әз генә өстенлек белән “Патриот” командасы җиңде. Ике командага да грамоталар һәм истәлекле бүләкләр тапшырылды.