Яшәгән төбәгебезне яшелләндерү, ямьләндерүдә безнең коллектив зур көч һәм тырышлык куйды. 

Бүген, балаларда гаилә әгъзаларына хөрмәт, ярату хисләре тәрбияләү максатыннан, "Безнең гаилә" темасына эшчәнлек узды. Балалар Г. Тукайның шул исемдәге шигырен тыңладылар, яттан өйрәнделәр, үз гаиләләре турында хикәя төзеп сөйләделәр. "Бездә шулай, сездә ничек?" уен-ситуациясендә, "Назлы сүзләр" тәрбияви күнегүендә балалар теләп катнашты. Нәсел агачы, шәҗәрә турында танышканнан соң, балалар һәр таҗга бер гаилә әгъзасын төшереп, "Гаилә чәчәге" ясадылар.

Бу атнада кечкенәләр һәм уртанчылар төркеме балалары Абдулла Алиш иҗаты белән таныштылар, аның әкиятләрен бик яратып тыңладылар. "Сертотмас үрдәк" әкиятен үзләре дә сәхнәләштерделәр.

Татар балалар язучылары иҗаты белән балалар ел дәвамында танышалар: әкиятләр, шигырьләр, хикәяләр укыйбыз, тыңлыйбыз, мультфильмнар карыйбыз. Яраткан әсәрләренең эчтәлегенә карата рәсемнәр ясыйлар. Әкиятләрне сәхнәләштереп, әти-әниләргә, иптәшләренә, кечкенә төркем балаларына уйнап күрсәтәләр. 

Зурлар төркемендә Татар балалар язучылары турында алган белемнәрне камилләштереп, бүген "Әкиятләр илендә" дигән викторина уздырылды. Балалар иллюстрацияләргә карап, кайсы әкияткә карата ясалганын әйттеләр, табышмакларга җавап эзләделәр, әкият каһарманнарын танып, кайсы әкияттән булуларын әйттеләр. Үзләре дә яраткан әкиятчеләре - А. Алиш әкиятләренә карата рәсемнәр ясадылар, пластилиннан "Сертотмас үрдәк" геройларын әвәләделәр.

Сабада Җиңү парадында быел барлык оешмалар да катнашты. Без Җиңү көнен аеруча зур әзерлек белән, зур дулкынлану белән көтеп алабыз. Илләребез имин, еллар тыныч, күгебез һәрчак аяз булсын!

Сегодня дети и сотрудники детского сада ходили на Парад Победы, а потом возложили цветы у памятника героям, павшим за Родину.

Ветераннарыбызның Бөек Ватан сугышында күрсәткән батырлыклары турында белемнәрен киңәйтү,балаларда патриотик хисләр, туган якка, туган телгә, Ватанга мәхәббәт тәрбияләү йөзеннән уздырылган атна ахырында бүген зурлар һәм мәктәпкә әзерлек төркеме  балалары белән һәйкәл янына бардык.Бу сугышта һәрберебезнең дә якыннары ятып калган......

Яз җитү белән балалар бакчасында эш кайный башлый: кар астыннан чыккан чүпләрне җыю, багана агарту, агач утырту, бакча территориясен тырмалау, бакча казу һ. б. 

Хезмәт сөючәнлек, тырышлык, табигатьне саклау кебек сыйфатларны балаларыбызда да формалаштырырга омтылабыз. 

Бүген мәктәпкә хәзерлек төркеме балалары балалар бакчасы яны участогында агач утырттылар. Балалар мәктәпкә киткәч тә, миләшләр аларның истәлекләре булып, җимеш биреп, табигатьне матурлап үсәрләр.

Мәктәпкә әзерлек һәм зурлар төркемендә бүген Тукай бәйрәме үткәрелде.Бәйрәмгә әти - әниләр дә килде.Кичә Тукай әкиятләрен сәхнәләштереп,җырларын җырлап,балалар өчен язган шигырьләрен сөйләп үтте.Балалар биюгә дә бик осталар."Эх,шома басабыз" дигән биюләрен алар килгән кунакларга биеп күрсәттеләр.