Балаларны янгын куркынычсызлыгы кагыйдәләре белән танышуны дәвам итү, янгын чыгу очрагында үзләрен дөрес тоту күнекмәләрен ныгыту йөзеннән зурлар һәм мәктәпкә әзерлек төркеме балалары янгын сүндерү станциясенә сәяхәткә бардылар.Кайту юлында чишмәгә сугылып,бистәбез табигатенә хозурланып кайттык.

Бүгенге көн апрель аендагы көннәрнең мәгънәләре буенча "Мәчеткә бару көне" дип кертелгән. Без,бакчабыз балалары белән шулай һәр көнне азсызыклап үтәбез.Менә бүген дә зурлар һәм мәктәпкә әзерлек төркеме балалары белән Нургали бабабыз мәчете янына барып килдек,истәлеккә фотосүрәткә төштек.

Аязны туган көне белән котлыйбыз. Бәхетле бул!

Өй түрендә бакчада,

Талчыбык куначада

Сыечык канат кага –

Яз килүгә шатлана.

Атна дәвамында зурлар һәм мәктәпкә әзерлек төркеме балалары яшәү чыганагы булган су турында белемнәрен тирәнәйттеләр. Су белән төрле тәҗрибәләр ясап, аның үзенчәлекләрен ачыкладылар. Сулыкларны, чишмә-елгаларны сакларга, пычратмаска кирәклегенә төшенделәр. "Юындыр" ("Мойдодыр") мультфильмын карап, фикер алыштылар. 

Сегодня в старшей группе с утра звучала весёлая музыка, дети шутили, веселились, показывали фокусы, рассказывали смешные истории.

Смейтесь с нами!

Смейтесь как мы!

Смейтесь лучше нас!

Бүген уртанчылар төркеме балалары тәрбияче апалары җитәкчелегендә су белән тәҗрибәләр үткәрде. Алар тәҗрибәләр нигезендә суның үзлекләрен өйрәнделәр. Үз куллары белән үткәргән тәҗрибәләр балаларга бик ошады.

27 март көнне бистәбездә шаулап -гөрләп Нәүрүз бәйрәме үтте. Бәйрәм уңаеннан спортзалда мәктәп, балалар бакчасы, "Нарат" боз сарае  h.б. командалар арасында спорт ярышлары оештырылды. Командалар төрле эстафета ярышларында сынатмадылар. Җанатарлар үз командаларына көч-куәт өстәп торды. 

Яз килә. Яз килә.

Сыерчыклар килә.

Гөрләшеп, сайрашып

Җырчы кошлар килә.

Кечкенәләр төркемендә кошлар атналыгы башланып китте. Бүген безгә кунакка сыерчык килде. Балалар кошның гәүдә төзелеше, хәрәкәтләре белән таныштылар, сыерчыкның моңлы сайравын тыңладылар. "Кошлар оясы" хәрәкәтле уен уйнадылар. Балалар сыерчыкның үзенә дә "Сыерчык" җырын бүләк иттеләр.

Спортны ярату кирәк

Безнең һәммәбезгә дә.

Сәламәтлек үзе бәхет

Киләчәк көнебездә.