Бүген Ш.Биктимеров исемендәге  район мәдәният йортында Саба районы буенча "Созвездие - Йолдызлык-2016" фестиваленең йомгаклау концерты үткәрелде. Концертта  "Күңелле балачак" ансамбле, 8 нче сыйныф укучысы Шарафиева Алсу (вокал-соло), 2 нче сыйныф укучысы Имамиева Нәфисә (конферанс) катнаштылар һәм район мәдәният бүлегенең Рәхмәт хатлары белән бүләкләнделәр. Җитәкчеләре Имамиев И.И.

Бар күңеллелек бөтен дөньяда, бар бер ямь бүген!

Нәрсәдән бу? Мин беләм, бәйрәм бүген, бәйрәм бүген!

Татар милләтенең бөек шагыйре Г.Тукай мирасы еллар узган саен халык күңеленә тирәнрәк юл яра бара.Чын шагыйрьләр үлемсез булалар. Даһиларның гомере халык хәтере белән исәпләнә.Тукай бүген дә әдәбиятыбызның алгы сафында баруын дәвам итә. Тәпи басып, тел ачылгач та без аның иҗаты белән таныша башлыйбыз. Әти-әниләр, әби-бабайлар авызыннан беренче тапкыр Шүрәле, Су анасы хакында ишетәбез. Мәктәпкә килгәч әлеге геройларга җан өргән мәшһүр шагыйрь белән ныклабрак танышабыз.

Бүген үткәрелгән  Шигырь бәйрәмендә укучыларыбыз актив катнаштылар. Һәр класс укучылары Г.Тукайның төрле елларда язылган шигырьләрен сәнгатьле укыдылар, җырларын җырладылар.  Драма түгәрәгенә йөрүче укучыларыбыз Г.Тукайга багышланган күренешләрне сәхнәләштерделәр.

Математика атналыгы кысаларында бүген 6 нчы сыйныфта "Масштаб" (укытучы Имамева Г.Х.), 7 нче сыйныфта "Тигезләмәләр системасы ярдәмендә хәрәкәткә мәсьәләләр чишү" (укытучы Загриева Г.Г.) темаларына ачык дәресләр үткәрелде. Математика укытучысы Нуриева А.М. укытучылар өчен ОГЭга әзерлек буенча мастер-класс уздырды.

Табигатьне саклау -һәр кешенең изге бурычы ул. Шуны искә алып 1994 елның 22нче апреленнән алып бу көн - Бөтендөнья Җир көне дип исәпләнә.

Әгәр  кешеләр һаваны, суны  агулап, урманны корытып бетерәләр икән, димәк  кеше  үз - үзен  юк итә дигән  сүз. Чөнки аңа яшәр өчен җирлек калмый. Шуңа күрә  табигатьне  күз карасы  кебек сакларга  кирәк. 

Шул уңайдан география укытучысы Шафигуллина Ә.Г. һәм 8 нче сыйныф укучысы Муллагалиева Ләйлә балалар бакчасында дәрес үткәрделәр.

Бүген мәктәбебездә Бердәм Тукай дәресләре булып узды. Әлеге дәресләрне "Безнең йөрәкләрдә син, Тукай" исеме астында татар теле һәм әдәбияты укытучылары үткәрде. Дәрестә укучылар Тукайның шигырьләрен яттан сөйләделәр, сәнгатьле укыдылар. Тагын бер тапкыр аның ятимлектә үткән балачагын, авыр, гыйбрәтле тормыш юлын хәтерләрендә яңарттылар.

Бүгеннән математика атналыгы башланып китте. Атна дәвамында ачык дәресләр, кызыклы викториналар, төрле уен-ярышлар, мастер-класслар, дәфтәрләр күргәзмәсе булуы көтелә.

Татар халкының бөек шагыйре Габдулла Тукайның тууына 130 ел тулуга багышланган чаралар дәвам итә. Бу көннәрдә 1-5 нче сыйныф укучылары өчен Г.Тукай әсәрләре буенча “Без Тукайлы балачактан” рәсем конкурсы оештырылды.Укучыларыбыз актив катнаштылар әлеге бәйгедә. Җиңүчеләрнең рәсемнәре район этабына җибәреләчәк.

"Сәләтле балачак - өметле киләчәк" балалар иҗаты фестиваль-конкурсының "Театр" номинациясендә укучыларыбыз актив катнаштылар. "Бәхетле балачак" студиясе "Алтын чеби" әкиятен, "Хыял" драма коллективы Туфан Миңнуллинның "Акбай һәм Сарык малае" спектаклен сәхнәләштерделәр. Куандырырлык нәтиҗәләр көтеп калабыз. 

Бүген Балалар иҗат үзәгендә XVI районкүләм "Сәләтле балачак - өметле киләчәк"  балалар иҗаты фестиваль-конкурсы старт алды. "Вокал" номинациясендә "Күңелле балачак" һәм "Яшь авазлар" ансамбльләре, 1 нче сыйныф укучысы Ахмадуллин Булат, 9 нчы сыйныф укучысы Гафуров Илзат, 10 нчы сыйныф укучылары Гибадуллина Инзилә, Шакиров Илһам чыгыш ясап кайттылар. Җитәкчеләре: Имамиев И.И.

<span lang="TT" times="" new="" roman',="" serif;="" background-image:="" initial;="" background-attachment:="" background-size:="" background-origin:="" background-clip:="" background-position:="" background-repeat:="" initial;"="">"12 нче апрель - Космонавтика көне" уңаеннан безнең мәктәптә төрле чаралар үткәрелде. “108 минут Гагарин белән” исеме астында эссе, шигырь, рәсем, ракета модельләренә конкурслар узды.

“Очсыз-кырыйсыз күк бит ул” дип исемләнгән  мәктәпкүләм чарада укучылар үзләренең белемнәрен тагын да ныгыта алдылар. Әлеге мероприятие беренче космонавтның тулы биографиясен үзләштерергә ярдәм итте, күп яңа мәгълүмат, тәрбия үрнәге бирде. Шулай ук Ю.Гагарин космоска очарга 5 минут калганда төшерелгән видеоязма күрсәтелде.