Бүген 4,6,8 нче классларда татар теленнән мониторинг үтте.

21 октябрь көнне мәктәбебездә 6-9сыйныфлар арасында  “Уңыш бәйрәме “ булып узды. Кичә бик җанлы һәм мавыктыргыч булды.Һәр класска “Ооо,мәктәп!Ооо, көз!”дигән өй эшләре бирелгән иде. Һәр класс үзләренең киң фантазияле,иҗади,юмор хисенә бай икәнлекләрен күрсәттеләр. Чирек буе тырышып укыган  укучыларга һәм укытучыларга бу бәйрәм чын мәгънәсендә матур ял бүләк итте.

Фән олимпиадаларының мәктәп турлары дәвам итә. 19 ы көнне мәктәптә татар теле буенча олимпиада үткәрелде. 20 се көнне соңгы олимпиада-татар әдәбиятыннан. Уңышлар телибез!

Табигатьтә алтын көз хакимлек итә. Мәктәп бакчасыннан көзге уңыш  җыеп алынды. Хәзер инде бәйрәм итәсе генә  калды. Шул уңайдан мәктәбебез укучылары “Сөмбеләдә кунакта” исемле көзге балга әзерләнәләр. Тырыш хезмәттән соң бәйрәм итүе дә күңелле. Уңыш бәйрәмендә барчагызга күтәренке кәеф, бәйрәм рухы телибез!

15 нче октябрь көнне районыбызда мәгариф хезмәткәрләренең республикакүләм җәйге спартакиадасының йомгаклау этабы үтте. Бу спартакиадада мәктәбебезнең математика укытучысы Давлетшин Нияз Илгизович   йөгерү эстафетасында  катнашты.Эстафета командасы  1 урынны алды.Шулай ук район командасы да 1 урынга лаек булды.Аларны шушы зур җиңүләре белән котлыйбыз.Алга таба да зур уңышлар телибез.

Бүген, мәктәбебезнең  2  сыйныф  укучылары,  эзтабарлар сафына бастылар. Без аларны ихлас котлыйбыз.Һәрвакыт алдынгы укучылар булуларын телибез.

Бүген , ягъни 1октябрь  “Халыкара өлкәннәр көне” буларак билгеләп үтелә. Шушы бәйрәм уңаеннан безнең мәктәп активистлары да читтә калмады.  Мәктәптә эшләп чыккан өлкәннәребезгә открыткалар ясадылар һәм бәйрәмгә чакыру кәгазьләре өләштеләр.

 «Ветеранны тәбриклә” акциясе кысаларында 7 сыйныф активистлары ветеран укытучы  Фәләхова Сафия апа янында булып кайттылар. Ветеранны якынлашып килүче Өлкәннәр, Укытучылар көне белән котладылар. Авылның мәдәният йортында оештырылачак бәйрәмдә көтеп калуларын җиткерделәр.