Әйтерсең лә пар атларда үтте

Кыңгыраулы мәктәп еллары.

Күңелләрдә гомерлеккә калсын

Шушы соңгы моңлы чыңлавы.

   25 май көнне мәктәптә "Соңгы кыңгырау" бәйрәме үткәрелде. Бу көнне матур итеп киенгән 9 нчы сыйныфның тугыз укучысы туган мәктәпләренә, укытучыларына булган рәхмәт хисләрен матур шигырь һәм җыр юллары аша белдерделәр, соңгы тапкыр вальс биеделәр. Аларны бәйрәм белән мәктәп директоры Ш.М.Фатихов, авыл җирлеге башлыгы Ф.Ә.Хөснетдинов, мәгариф бүлеге белгече Калимуллина Э.А., депутат Юнысов И.М., әти-әниләр, ветеран укытучылар һәм башка килгән кунаклар котладылар. Имтиханнарын яхшы билгеләргә бирүләрен һәм үзләре сайлаган уку йортларына керүләрен теләделәр.

  Бәйрәм бик күңелле һәм истә калырлык булды.

     Бу  көн  уңаеннан  бүген  әти-әниләр  һәм  укучылар   арасында   күңелле  спорт  ярышлары  уздырылды.

   11 нче май көнне мәктәбебезнең яшь юл хәрәкәте инспекторлары ЮХИДИ бүлекчәсе хезмәткәрләре белән берлектә профилактик рейдка чыктылар. Алар «Тормышыңны саклап кал! Тизлекне кимет» дигән тематик плакатлар тотып, авыл урамында кизү тордылар. Автотранспорт йөртүчеләрне туктатып, алар белән тизлек режимын саклау турында әңгәмә кордылар, мәгълүмати буклетлар тапшырдылар.

  Бүген  авылыбызда  Бөек  Җиңүнең  72  еллыгына багышланган  митинг  узды. Авыл  җирлеге башлыгы, ветераннар Советы  рәисе  һәм  мәктәп  коллективы  сугыш  ветераннарын  һәм  тыл  хезмәтчәннәрен  Бөек Җиңү бәйрәме белән котладылар. Укучыларыбыз  матур   концерт  номерлары белән чыгыш  ясадылар, обелискка  венок салдылар, ветераннарга  чәчәкләр бирделәр.

"Мин татарча сөйләшәм" акциясен дәвам итеп класс сәгате үтте.

   Бары тик үз көчебез белән генә туган телебезне саклап кала алабыз, милләтебезнең бүгенге торышы гына түгел, аның киләчәге дә безгә бәйле. Шуңа күрә татар милләтен саклап калу өчен авылда гына түгел, шәһәрдә дә татарча сөйләшүдән оялмаска, горурланырга кирәк. Чөнки татар теле ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу туган телебез белән горурланырлык мөһим фактор.

   "Мин татарча сөйләшәм" акциясе кысаларында "Татар халкының йолалары һәм уеннары" дигән чара үткәрелде. Бу чарага балалар бакчасыннан да балалар чакырылды. Алар бергәләп уйнадылар, җырладылар. Балаларга чара бик ошады.

      Бүген   безгә   район   ЮХИДИ  бүлеге   хезмәткәре   Ситдикова   Алсу   Разин   кызы   килде. Мәктәбебезгә   “Кояшкай”  балалар  бакчасына  йөрүче  балалар   да  чакырылган  иде.  Юл  һәлакәтләрен   кисәтү   максатыннан,  Ситдикова   А.Р.   балаларны    юл  куркынычсызлыгы   кагыйдәләре  белән  таныштырды. Соңыннан  аларга   сораулар  бирде   һәм  һәрберсенә   үзеңне  юлда  ничек  тотарга  өйрәткән   буклетлар  таратты. 

   "Мин татарча сөйләшәм" акциясе кысаларында "Әбиемнең күңел сандыгы" дип аталган мини-спектакль карадык. Ул балаларны халкыбызның милли киемнәре, ашлары белән таныштыруга нигезләнгән иде.

   Җиңү   бәйрәме  якынлашу   уңаеннан   бүген  1-4 нче сыйныф  укучыларына  Г.Гыйлмановның  “Егет  сүзе  бер булыр”, 5-9 нчы  сыйныф  укучыларына  “Осенью   41-го”   нәфис  фильмнары   күрсәтелде. Батырлык, ватанпәрвәрлек, дуслык  темаларын  үз  эченә  алган  әлеге  фильмнарны   укучылар  бик  теләп  карадылар.