Бүген безнең укучыларыбыз авылыбызның мәдәният йорты хезмәткәрләре белән "Тел көне"н билгеләп үттеләр. Алар татар халкыбызның милли "Исем кушу" йоласын сәхнәләштерделәр, ике командага бүленеп, үзләренең зирәклекләрен һәм тапкырлыкларын  күрсәттеләр. "Әллүки" командасы 33 кә 30 белән "Балачак"  командасын җиңеп чыкты.

Бүген мәктәбебездә чаңгы ярышлары бик күңелле узды. 5-11 сыйныф укучылары чаңгы юлларында үзләренең тизлекләре, җитезлекләре  белән күпләрне шаккаттырдылар. Физкультура укытучысы Хаков Басыйр Фәйзелхак улы җиңүчеләрне грамоталар белән бүләкләде.

 Мәктәбебездә татар теле һәм әдәбияты укытучысы Рәхимова Гөлүзә Әзһәм кызы "Афзал Шамовның хикәяләрендә ватанпәрвәрлек һәм кешелеклелек сыйфатлары ачылу" дигән темага виртуаль музейга сәяхәт оештырды.  Афзал Шамов - татар әдәбиятында оригиналь проза әсәрләре: хикәяләр һәм повестьлар авторы буларак танылган язучы. Аның егерменче еллар татар авылы тормышына багышланган "Рәүфә" әсәреннән укучыларыбыз сәхнәләштерелгән өзек күрсәттеләр, күргәзмә карадылар.

Безнең мәктәбебездә бүген 7-8 сыйныф укучылары арасында баскетбол ярышлары булды. Аны физкультура укытучысы Хаков Басыйр Фәйзелхак улы үткәрде.

Китапханәчебез Фатыйхова Фәнисә Гафурҗан кызы башлангыч сыйныф укучыларына Муса Җәлилнең тормыш юлы, аның иҗаты турында сөйләп, күңелнең иң түренә үтеп керде. Укучылар герой шагыйрь турында презентацияләр карадылар, викторина сорауларына җавап бирделәр, ятлаган шигырьләрен сөйләделәр.

Мәктәбебездә 5-6 нчы сыйныф укучылары арасында пионербол ярышлары узды.

Бүген бөек патриот герой шагыйребез Муса Җәлилнең тууына 110 ел. Без дә бүген мәктәбебездә каһарман шагыйребезне искә алдык. Татар теле һәм әдәбияты укытучысы Габдуллина Альфира Биҗан кызы  белән без Муса Җәлилнең тормыш сукмагыннан кабаттан үттек. V-VIII нче сыйныф укучылары Муса Җәлилнең шигырьләрен сәхнәләштереп күрсәттеләр, шигырьләренә язылган җырларны җырладылар.

Бүген 15 нче февраль көнне Совет гаскәрләрен Әфганстан җиреннән чыгаруга 27 ел булды. Безнең мәктәбебездә дә бу вакыйганы искә алып тарих укытучысы Сахапова Ризада Гомәр кызы стенд төзеде.

Безнең мәктәбебездә башлангыч сыйныф укучылары катнашында  "Гашыйклар көне" үтте. Аны Гайсина Фәүзия Марселевна үткәрде. Төрле кызыклы конкурслар белән бу кичә бик күңелле үтте." Валентин"нар үзләренең "Валентина"ларын табып, сынауларны бергә үттеләр. Җиңүчеләр грамоталар белән бүләкләнде. Укучылар кичәдән сөенеп, шат күңел белән киттеләр.

Учителконкурса.ь английского языка Нуриева Талия Рафисовна провела конкурс открыток-валентинок на английском языке по номинациям. Были определены победители