КФУ ның Алабуга институтында музейда булдык. Институтның килеп чыгышы, укыган укучылыр, эшләгән укытучылар һәм бик күп мәгълүматләр белдек. Башка истәлекле урыннарда йөрдек

Җиңү көне якынаю һәм 23 февраль көне уңаеннан сугыш ветераннарын котларга бардык. Хәлилов Мисхәт бабай Гөлдәния Хайруллинаның әнисе Фәния апа белән яши. Аларда кунакта булдык, Мисхәт бабайны котладык, фотолар карадык, сөйләшеп утырдык.

Сугыш ветераннарыбыз өч кенә бөртек калды. Мәктәп коллективы аларның хәлләрен һәрвакыт белешеп, ярдәм итеп тора. Җиңү бәйрәме якынлашу, 23 февраль һәм 4 нче мартта туган көне җитү уңаеннан Солтанов Гәбдерәкыйп бабайларда булып кайттык. Сәламәтлеге мактанырлык булмаса да, яныбызга утыртып, фотога төшереп алдык. Аның урынына янында яшәүче кызы сөйләде. Шушы тыныч, рәхәт тормышта тагын да озаграк яшәүләрен телибез.

Хәрби- патриотик айлык үз эшен дәвам итә. Бүген безнең мәктәптә 5- 11 класслар катнашында " Аҗаган" уены узды. Мәктәп ике командага бүленде, командирлар маршировка үткәрделәр. Һәр отряд үз байрагын эзләп тапты һәм ярышлар башланды. Бу хәрби өйрәтүләр уенын мәктәпнең физкультура һәм ОБЖ укытучысы Хаков Басыйр Файзелхакович әзерләде һәм уздырды.

Безнең Саклау- Баш авылында 3 сугыш ветераны яши. Мәктәп коллективы бабайларга һәрвакыт ярдәм итеп тора: шефлык билгеләнгән, бәйрәмнәрдә, туган көннәрендә искә алып торалар.. Хәкимуллин Мирсәеф бабай 20 ноябрьдә үзенең 90 яшьлек юбилеен билгеләп узган иде. Мирсәеф бабайны район җитәкчеләре белән берлектә мәктәп коллективы да котлады. Җиңү көне якынаю уңаеннан һәм 23 февраль бәйрәменә ветераннарыбызны тагын бер кат котларга бардык.

Бүген мәктәптә " Бантиклар көне" үтте. Бәйрәмдә озайтылган көн группасына йөрүче балалар катнашты. Оештыручысы группа җитәкчесе Гайсина Ф. М.

Бүген Саклау- Баш урта мәктәбе кызлары малайларны, егетләрне котлап , концерт куйдылар. Бик күңелле булды.

Мәктәбебездә көтеп алынган ремонт эшләре башланды. Ике көн алдан тәрәзәләр кайта башлаган иде, бүген тиз арада куя да башладылар. Мәктәп матур, җылы булсын өчен без дә кулыбыздан килгән кадәр булышачакбыз.

"Ватанны саклаучылар көне" безнең мәктәптә зур әзерлек белән үтте. Коллективта эшләүче ир- егетләрне тәбрикләгәннән соң, бәйрәм чәй өстәле артында дәвам итте.

Хөрмәтле ир- егетләребез!

Сезне чын күңелебездән Ватанны саклаучылар көне белән котлыйбыз. Сезгә һәм гаиләләрегезгә тыныч күк йөзе, ныклы сәламәтлек, муллык, һәр эшегездә уңышлар теләп калабыз.

Татар теле көннәре бик уңышлы уза.Укучылар дәресләрдә " Туган телем- иркә гөлем" , " Иң татлы тел- туган тел" темасына иншалар яздылар. Туган телгә багышланган шигырьләрне яттан сөләттеләр. Укучылар бик теләп катнаштылар.