1 октябрь көнне мәктәпнең актлар залында өлкәннәр көне үткәрдек. Бәйрәмгә ветеран укытучылар,  төрле елларда хезмәт куйган хезмәткәрләребез килде. Алар алдында укучылар көче белән әзерләнгән концерт номерлар күрсәтелде. Соңыннан килгән кунакларны чәй табыны янында сыйладык. Алар безгә шундый күркәм бәйрәм оештырган өчен олы рәхмәтләрен белдерделәр!

Мәктәбебезнең  1-9 сыйныф укучылары Бөтенроссия экологик субботникта катнаштылар. Мәктәп яннары, урам буйлары  чүп-чардан арынды.

24 сентябрь көнне мәркәзебез Казанның агропромышленность паркында  үткәрелгән республика авыл хуҗалыгы ярминкәсендә катнаштык. Безнең мәктәп өчен мондый ярминкәләрдә катнашу традициягә әйләнде.

Бүген 8 сыйныф укучылары авылыбызны, мәктәп тирәсен матурайту, агачлар утырту  өчен, агач үсентеләре әзерләделәр.

1-9 сыйныфларда”Спортлы Татарстан” темасына тәрбия сәгатьләре  үткәрелде, видеофильмнар күрсәтелде. Башлангыч сыйныфлар өчен спорт уеннарыннан торган эстафета

.

Татарстанның варислары без

Улларыңа лаек алмашлар.

Яшел, ак, кызыл төсләрне алган

Галстуклы безнең нык сафлар.

Яшь варислар юлда.

Башлангыч класслар арасында мәктәп музеена  экскурсия оештырылды. Тарих укытучысы Җамалиева М.Я. укучыларга музей, андагы экспонатлар турында сөйләде. 1 сыйныф укучылары беренче тапкыр музей белән таныштылар.

1-4 сыйныфларда  “Минем гаиләм “ темасына рәсем, 5-9 сыйныфларда тәрбия сәгатьләре үткәрелде. Укучылар үзләренең  гаилә шәҗәрәләрен төзеделәр.

Безнең мәктәп районда үткәрелгән көзге ярминкәдә

актив катнашты.Үзебезнең мәктәп яны участогында балалар, укытучылар, мәктәп хезмәткәрләре көче белән үстерелгән яшелчәләрне саттык.

6-9 сыйныф укучылары тимур эшләрендә актив катнаштылар. Алар ветеран укытучы Әхмәтҗанова Гөлфия апага бәрәңге алышырга, ялгыз яшәүче әби-бабайларга бакчада, хуҗалыктагы эшләрендә булыштылар.