Районның гомумбелем бирү учреждениеләре арасында кадет мәктәп-интернаты базасында үткәрелгән муниципаль этап «Ватанны сакларга әзер!»  ярышында Иске Рәҗәп командасы 2нче урын алып кайтты.

13 нче сентябрь көнне безнең мәктәптә Казан кунагы – Татарстан Республикасының халык шагыйре Ренат Харис белән очрашу үтте.

6 сентябрь көнне  9-10 сыйныф укучылары алдында Татарстан банкы бүлеге шәхси кешеләргә хезмәт күрсәтү буенча җитәкче- белгеч Гөлисә Шакир кызы Шәйхиева финанс грамоталылыгы турында чыгыш ясады.

Бүген мәктәптә терроризмга каршы көрәштә бердәмлек көне уңаеннан актлар залында тормыш иминлеге нигезләре укытучысы Мәхмүтов Илназ Мәсхүт улы өйрәтү дәресе үткәрде.

2 нче сентябрь көнне мәктәптә Россия Федерациясе Конституциясенең 20 еллыгына багышланган  видеоконференция үтте. Конференциядә район советы депутаты, авыл җирлеге башлыгы Мансур Әсхәт улы Нугаев, авыл советы депутатлары Зиннәт Гыйззәтулла улы Гыйззәтуллин, Илнур Гаммар улы Фәйзиевлар катнашты. 

Балалар кайта мәктәпкә,

Хушлашып Җәйләр белән.

Көзге чәчәкләр һәммәсен

Тәбрикли бәйрәм белән. 

Һәр агач үзенең җимеше белән ямьле. Быелгы җимешләрне күрсәтү исәбеннән август  киңәшмәсенә үзебезнең мәктәп яны участогында үстерелгән җиләк-җимеш, яшелчәләрдән күргәзмә ясадык.

Болгар музей-тыюлыгы территориясендә урнашкан  палаткалар лагеренда безнең мәктәптән 17 укучы ял итә. Алар спорт-сәламәтләндерү һәм мәдәни-масса чараларында  катнашалар, шулай ук борынгы шәһәр урынында экскурсиядә булдылар. “Сәләт” тә ял итүчеләр унҗиденче халыкара яшьләр форумы үтәчәк  Биләргә бардылар. Форум шулай ук безнең республика, Россиянең төрле төбәкләреннән  һәм чит илдән килгән биш меңгә якын кешене берләштерә.

Ял да итәләр, акча да эшлиләр...

-Мәктәпнең ярдәмче хуҗалыгы элек тә зур иде. Хәзер дә хәлдән килгән кадәр мал асрарга тырышабыз. Моның файдасын үз мисалыбызда күрәбез. Мәсәлән ашханәгә яшелчә яки итне беркайчан да читтән  сатып алганыбыыз юк – үзебез җитештергән продукцияне кулланабыз. Быел бәрәңгене дә алтмыш сутыйга утырттык.