Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
| Адрес: | 420108, г. Казань, ул. Мазита Гафури, д. 34а |
| Телефон: | +7(843)-293-38-67;+7(843)-293-38-87;+7(987)-290-70-21 |
| E-Mail: | g1.kzn@tatar.ru; tgim1@mail.ru |
| Министерство: | Министерство образования и науки Республики Татарстан |
| Короткое название: | МБОУ "Татарская гимназия №1 им.Г.Тукая" |
| Руководитель: | Шамсеева Гульфия Гаязовна |
| Год основания учреждения: | 1990 |
| У нас учатся: | 638 учащихся, из них 11 иностранных граждан |
| У нас учат: | 42 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 41 42 ( 43 ) 44 45 46 47 48 49 50 >>
-
Өченче чирек башлану белән котлыйбыз! 09.01.2023
Яңа ел бәйрәмнәре тәмамланды, бүләкләр алынды, теләкләр әйтелде..Мәктәп укучылары өчен иң озын- өченче чирек башланды.
Хөрмәтле укытучыларыбыз һәм укучыларыбыз, өченче уку чиреге сезгә җиңел бирелсен. Барлык эшләрегездә һәм укуларыгызда иҗади уңышлар телибез. Бу яңа чирек якты мизгелләр һәм искиткеч тәҗрибәләр белән тулы булсын!
-
Укучыларга татлы бүләкләр тапшырылды 29.12.2022
Ел саен Яңа ел алдыннан башлангыч мәктәп укучыларына татлы бүләкләр тапшырыла. Бүген гимназиядә укучыларга әлеге Яңа ел күчтәнәчләрен өләштеләр.
-
Гимназиядә укытучыларның чираттагы киңәшмәсе үтте 28.12.2022
Бүген гимназиядә укытучыларның чираттагы киңәшмәсе үтте. Киңәшмәдә күп чыгышлар тыңланды, 2022-2023 нче уку елының икенче чирегенә һәм беренче яртыеллыкка нәтиҗәләр ясалды, өченче чиреккә планнар куелды.
-
Кәрим Тинчурин театрына сәяхәт 27.12.2022
Яңа ел бәйрәме чаралары дәвам итә. Бүген башлангыч сыйныф укучылары Кәрим Тинчурин исемендәге Татар дәүләт драма һәм комедия театрында “Тылсымлы арена” спектаклен карап кайттылар. Спектакль алдыннан балалар өчен кызыклы Яңа ел тамашасы оештырылды. Бәйрәм укучыларда күңелле тәэсирләр калдырды.
-
Икенче чирек төгәлләнде 27.12.2022
2022-2023 нче уку елының икенче чиреге дә төгәлләнде. Икенче чирек иң кыска чирек булып санала. Шулай да укучылар өчен әлеге чирек бик нәтиҗәле булды. Укучыларыбыз фән олимпиадаларында катнашу, контроль эшләр язу белән беррәттән гимназия күләмендә үтүче бәйгеләрдә дә актив катнаштылар һәм икенче чирекне уңышлы төгәлләделәр.
-
Урта сыйныф укучылары өчен бәйрәм кичәсе узды 26.12.2022
Гимназия янәдән җыр-моңга күмелде, чөнки бездә урта сыйныф укучылары өчен бәйрәм кичәсе үтте. Укучылар берсеннән-берсе кызыклы һәм эчтәлекле номерлар тәкъдим иттеләр. Күңелле җыр-биюләр, уеннар белән бәйрәмнең үткәне сизелми дә.
-
“Яңа ел. Гаилә бәйрәмнәре һәм хыяллар.” 26.12.2022
Һәр атнаның дүшәмбесендә укучылар өчен “Мөһим сөйләшү” сыйныф сәгатьләре уздырыла. Бүгенге сыйныф сәгате “Яңа ел. Гаилә бәйрәмнәре һәм хыяллар.” темасына багышланган иде. Биредә укучылар Яңа ел теләкләре һәм хыяллары турында, Яңа ел бәйрәмнәре белән бәйле сораулар турында фикер алыштылар. Шулай ук Яңа елның кызыклы фактлары турында видео карадылар.
-
Яңа ел котлы булсын! 26.12.2022
26 нче декабрь көнне гимназиябездә “Чыршы бәйрәме” үткәрелде. Биредә 1 нче сыйныфтан башлап 4 нче сыйныфка кадәрге укучылар катнашты. Бәйрәм барышында балалар берничә командага бүленеп төрле кызыклы уеннарда катнашты. Нәтиҗәдә, кайсы команда күбрәк балл җыйган, шул җиңүче булып калды.
Бирегә Яңа елның төп кунаклары – Кыш бабай белән Кар кызы да килделәр, алар укучыларга күчтәнәчләр тараттылар, балалар белән төрле уеннарда катнаштылар, биеп-җырлап чыршы тирәли әйләнделәр. “Чыршы бәйрәме” балаларның күңеленә хуш килде, алар Яңа ел, кышкы каникуллар алдыннан гимназиядә дә күңелле итеп ял итеп киттеләр.
-
Яшел чыршы бәйрәм залында үз урынын алды 23.12.2022
Гимназия үзидарәсе әгъзалары бүген бәйрәм залын һәм чыршы бизәүдә актив катнаштылар. Яңа ел бәйрәменең төп бизәге – яшел чыршы бәйрәм залында үз урынын алды.
-
Котлыйбыз! 22.12.2022
Россия Федерациясе Мәгариф министрлыгы карары нигезендә ел саен педагоглар арасында "Ел укытучысы" бәйгесе уздырыла.
21 нче декабрьдә "Ел укытучысы - 2023" бәйгесенең Вахитов һәм Идел буе районы укытучылары арасында үткәрелгән турына йомгак ясалды. Гимназиябез укытучылары, бәйгенең барлык этапларында да уңышлы чыгыш ясап, зур уңышларга ирештеләр. Җәләева Гөлүзә Азатовна " Туган тел һәм әдәбияты" номинациясендә I урынга, Нуриева Алсу Рамилевна "Педагогик дебют" номинациясендә II урынга лаек булды. Укытучыларыбызны зур җиңүләре белән котлыйбыз, иҗади уңышлар телибез!
