24 октябрь - мәктәп китапханәләре көне. Мәктәп китапханәчеләре - укытучыларның уң куллары, укучыларны дәреслекләр, матур әдәбият белән тәэмин итүчеләр, балалар күңелендә китапка мәхәббәт уятучылар.

Октябрь ае традицион рәвештә мәктәп китапханәләре ае буларак исәпләнә. Бу вакыт аралыгында һәм ел дәвамында китапханәдә төрледән-төрле чаралар уздырыла.  Алар балаларда уку грамотасын үстерүгә, уку белән кызыксынуны арттыруга юнәлдерелгән.

Шул уңайдан гимназиябездә китапханәдә кызыклы дәресләр узды. Укучылар китаплар дөньясы турында фикер алыштылар.

Бүген 8-11 сыйныф укучылары өчен “Сообщи, где торгуют смертью” Бөтенроссия акциясе үтте. Укучылар накотикларның зыяны, нинди нәтиҗәләргә китерүе, сатучылар һәм сатып алучылар, чыгу юллары турында фикер алыштылар. Әлеге темага эчтәлекле видео карадылар, үз фикерләрен белдерделәр.

Бүген барлык сыйныфларда “Юлларда сак бул!”темасына сыйныф сәгатьләре үтте. Укучылар юл йөрү кагыйдәрәрен искә төшерделәр, видео материаллар карадылар, уеннар уйнадылар.

Шулай ук электр юлларыннан ерак булу, электр приборлары белән сак булу, җәмгыять урыннарында үз-үзеңне тоту, чит кешеләр белән сак булу, ут һәм тиз янып китүчән предметлар белән сак булу турында фикер алыштылар.

Бүген 2 нче а сыйныфында “Минем мәктәптәге кәефем” исемле психология дәресе узды. Укучылар үз кәефләрен рәсемгә төшерделәр, алардан күргәзмә эшләделәр. Кәеф, аның үзгәреше, аңа йогынты ясаган факторлар турында фикер алыштылар.  

 Соңгы 20 елда илебезнең төрле төбәкләрендә, төрле почмакларында, төрле авырлыкларда террористлар тарафыннан һөҗүм итүләр булып тора.

Октябрьдә экстремизм һәм терроризмга каршы көрәш айлыгы бара.  Бу көннәрдә гимназиядә төрле чаралар үткәрелеп бу афәтнең ни дәрәҗәдә кешелеккә куркыныч икәнен тагын бер кабат исбатлыйбыз.

Укучылар әлеге темаларга рәсемнәр ясадылар, сыйныф сәгатьләрендә, түгәрәк өстәлләрдә фикер алыштылар.   

Гимназиябез укучылары шәһәр һәм республикакүләм оештырылган акцияләрдә актив катнашалар.

Шундый актив укучыларыбызның берсе 10 нчы сыйныф укучысы Ахмадеева Адилә икенчел чимал җыю буенча “Ярдәм” экологик хәйрия фестивалендә катнашты һәм рәхмәт хатына ия булды.

Гимназиябездә психология атналыгы дәвам итә.

Бүген 4 нче б сыйныфында “Теләкләр агачы” акциясе үтте. Укучылар үзләренең иң изге, матур теләкләрен агачка яздылар, шул турыда фикер алыштылар. Әлеге теләкләр чынга ашсын өчен ни эшләргә кирәк икәнлеге турында да сөйләштеләр.

Бүген 3 нче а сыйныфында “Иң бәхетле көнем” исемле психология дәресе узды. Укучылар рәсемнәрдә үзләренең иң бәхетле көннәрен сурәтләделәр. Кемнәрдер туган көннәрен, икенчеләре төрле бәйрәмнәрне, шатлыклы мизгелләрне ясадылар.

Бүген гимназия укучылары “Солдатка хат” Бөтенроссия акциясендә катнаштылар. Бик матур эчтәлекле хатлар язып, М.В Фрунзе исемендәге Россия Армиясе Үзәк Йортына җибәрделәр.

Гимназиябез белән танышу максатыннан бүген безгә кунакка Татарстан Республикасы Дәүләт Советы Рәисе урынбасары Марат Готыф улы Әхмәтов килде.

Ул гимназиядәге шартлар, материаль-техник база, күп еллар эшләп килүче “Туган якны өйрәнү музее” белән танышты. Татар телендә дәресләр, чыгышлар, актлар залында “Яңа бистәдә Тукай эзләре” дип исемләнгән программа карады.  Яңа бистә,  гимназиябез тарихы белән бәйле материаллар һәм мәгълүматлар, гимазиянең белем порталы белән танышты.

Марат Готыф улы гимназиянең милли тәрбия өлкәсендә алып барган эшчәнлегенә югары бәя бирде.