17 нче октябрьдән алып 21 нче октябрьгә кадәр гимназиядә психология атналыгы узачак. Укучыларны кызыклы һәм файдалы чаралар көтә.

Ә бүген 1 нче б сыйныфында “Яхшылык һәм дуслык дөньясы” исемле сыйныф сәгате үтте. Нәни укучыларыбыз дуслык, игелеклелек төшенчәләре турында сөйләштеләр, дусык кагыйдәләрен искәртеп уздылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.
Бу атнада укучылар “Без музыка дип нәрсәне атыйбыз?” дигән темага фикер алыштылар. 

Гимназиябездә традицияләр бик күп. Менә инде күп еллар мәктәп радиосы эшләп килә. Һәр атна дүшәмбе төрле сыйныф укучылары безне үткән атна яңалыклары һәм киләсе атнада булачак чаралар, истәлекле көннәр һәм сыйныфлар рейтингы белән таныштыралар.

Бу атнада гимназия радиосында 7б сыйныфы укучылары чыгыш ясадылар.

“Пушкин картасы” укучылар һәм студентларга бик күп мөмкинлекләр бирә. Алар карта белән театр, күргәзмә, кино, музей һ.б. оешмаларга бара алалар. Безнең укучыларыбыз да, әлеге картаны кулланалар.

 Бүген 8 б сыйныфы укучылары «Галерея-мастерская Зайцева» күргәзмә үзәгендә булып кайттылар. Укучыларга картиналар һәм коллажлар бик ошады. Алар таганнарда атындылар, фотоларга төштеләр.

Бүген 9 сыйныфларда “Без үз гамәлләребез өчен җаваплы”  дип исемләнгән сыйныф сәгате узды. Укытучы укучыларга җаваплы булу, үз гамәллең өчен закон алдында җавап тоту, хокуклар һәм бурычлар турында сөйләде. Укучылар үз фикерләре белән бүлештеләр, группаларда эшләделәр.

Октябрь аенда Россия Банкы тарафыннан гомуми һәм урта белем бирү оешмалары укучылары өчен финанс грамоталылыгы буенча онлайн-дәресләр үткәрелә.

Дәресләр үсеп килүче буында финанс грамоталылыгы нигезләрен, рациональ Финанс үз-үзен тотышы җайланмаларын, финанс инструментларын дөрес итеп сайлап алу һәм финанс хезмәтләреннән файдаланучыларның хокукларын яклау нигезләрен формалаштыруга юнәлдерелгән.

Бүгеннән бездә “Музыкаль тәнәфес” проекты үзгә юнәлеш белән эшли башлады. Алдан озын тәнәфесләрдә билгеле бер композитор турында сөйләнеп,аның әсәрләре тыңланса, хәзер аерым темаларга багышланган көйләр, җырлар тәкъдим ителә. Бүген гимназиядә туган як, туган җир темаларына багышланган җырлар яңгырады. Шулай ук бездә “Музыкаль тәнәфес”нең иң яхшы алып баручысы” конкурсы үткәрелә. Биредә катнашырга теләүче укучыларыбызны көтеп калабыз!

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Әтиләр көне” дигән темага фикер алыштылар.

Бүген Казан театр училищесының 3 нче татар драма актерлык курсы шәкертләре  “Тукай белән бер дулкында” исемле әдәби музыкаль чара тәкъдим иттеләр. Программа: “Үлемсезлек символы”, “Исемдә калганнар”, “Тукай Уральскийда”, Тукай Казанда”, “Чәчәкләр китерегез Тукайга” бүлекләреннән торды.

Курсның җитәкчесе: Закиров Зөлфәт Хәйдәр улы

Актерлык осталыгы укытучысы: Пискунов Артем Олег улы

Сәхнә теле укытучысы: Нуриев Гаптрәүф Салих улы

Хореограф: Шаихов Раушан Файзрахман улы

Вокал укытучылары: Хамзина Алия Алмаз кызы һәм Фассахова Зөлфирә Әхәт кызы.

Укучыларга әдәби музыкаль чара бик ошады. Алар актерларның осталыгын һәм чараны ошатуларын ассызыкладылар.

Казан театр училищесы коллективына алга таба да уңышлар телибе

Халыкара укытучылар көне уңаеннан, 1-10 нчы сыйныф укучылары арасында “Иң яхшы стена газетасы” бәйгесе игълан ителгән иде. Һәр сыйныф иҗади якын килеп, искиткеч матур газеталар ясадылар. Әлеге эшләрдән бик матур күргәзмә дә оештырылды. Катнашучыларга урыннар билгеләнде.