Бөек Җиңү көнен бәйрәм итү алдыннан, 27 нче апрельдән башлап, Казан шәһәрендә “Георгий лентасы” акциясе старт алды. Әлеге акциягә кушылып, 2 нче В сыйныфында дәрес үтте. Укучылар “Георгий лентасы” тарихы белән таныштылар, аны ничек дөрес итеп тагырга икәнен белделәр. Дәрес ахырында бергәләп кул эшләре башкардылар. Алар кәгазьләрдән тынычлык күгәрчене һәм  “Георгй лентасы” ясадылар.

Бүген гимназиядә бөек шагыйребез Г.Тукайның туган көненә багышланган радиоэфир оештырылды. Биредә көн дәвамында  укучылар Г.Тукайның иҗаты турында сөйләделәр, җырлар-шигырьләр башкардылар.

Гимназиядә Г.Тукайның туган көненә багышланган күптөрле чаралар узды. Шуларның берсе - шагыйрьнең әсәрләре буенча ясалган рәсемнәр бәйгесе. Иң яхшы дип табылган рәсемнәр 26 нчы апрельдә, шагыйрьнең туган көнендә, Г.Тукай исемен йөртүче метро станциясен бизәде. Шул уңайдан “Метроэлектротранс” предприятиесе гимназия укучылары һәм укытучыларына рәхмәт сүзләре җиткерде.

25 нче апрель РФ Дәүләт флагын күтәрүнең бердәм көне дип игълан ителде. Шул уңайдан гимназиядә РФ һәм ТР Дәүләт флаглары күтәрелде, укучылар ил һәм республика гимннарын башкардылар.

Һәр елны 26 апрель көнне без татар шигърияте күгендә балкып янган иң зур йолдыз - бөек шагыйребез Габдулла Тукайның туган көнен билгеләп үтәбез. Габдулла Тукай – ул милләтебезнең горурлыгы, аның шигырьләре үлемсез. Бүген бездә сөекле шагыйребезнең туган көненә багышланган бәйрәм кичәсе үтте. Укучылар Габдулла Тукайның әсәрләрен сәхнәләштерделәр, шагыйрьнең тормышын, иҗатын данлап шигырьләр сөйләделәр. Бәйрәм милләтебезнең гимнына әйләнгән “Туган тел” җыры белән тәмамланды.

Идел буе Болгарында Ислам динен кабул итүгә 1100 ел тулу уңаеннан, бүген гимназиядә “Ислам нуры” дип аталган чара үтте. Чара барышында укучылар татар халкының Ислам динен кабул иткән мизгелдән безнең көннәргә кадәр тарих юлы турында сөйләделәр һәм кайбер мизгелләрне сәхнәләштереп күрсәттеләр.

Гимназиябез укучылары бүген Казан шәһәренең “Тел. Мәдәният. XXI гасыр” VII фәнни-тикшеренү конференциясендә катнаштылар. Чарада уңышлы чыгыш ясап, 10 нчы сыйныф укучысы Сөләйманова София I нче дәрәҗә диплом, 8 нче Б сыйныфы укучысы Рахматова Мәдинә II нче дәрәҗә диплом белән бүләкләнделәр. Укучы кызларыбызны котлыйбыз һәм киләчәктә дә уңышлар теләп калабыз.

Табигатькә игътибарлы булу, әйләнә-тирә мохитне чиста тоту – һәрберебезнең бурычы ул. Безнең укучылар да бүген, 23 апрель көне, гомумшәһәр өмәгә кушылып, гимназиябез территориясен җыештырдылар.

Бүген 8 нче А сыйныфы укучылары “Россия – минем тарихым” мультимедиа тарихи паркында экскурсиядә булып кайттылар. “Россия – минем тарихым” тарихи паркы – Россия тарихы буенча "тере дәреслек" булып тора. Ул дөньяда борынгы заманнардан безнең көннәргә кадәр илебез тарихын чагылдырган бердәнбер мультимедиа комплексы. Әлеге экскурсия укучыларыбызга илебез тарихы турында белемнәрен тагын да ныгытырга ярдәм итте.

Гимназиядә, 1-5 сыйныф укучылары арасында, “Г.Тукай әсәрләрен сәхнәләштерү” буенча бәйге үтте. Бәйгедә катнашучы һәр сыйныф шагыйрьнең әсәрләрен үзенчәлекле итеп жюрига җиткерә алды. Чыгышның музыкаль бизәлешен, костюмнарның туры килүе һәм башкару осталыгына карап, жюри җиңүчеләрне билгеләде.