Декабрь аенда Россия Банкы тарафыннан гомуми һәм урта белем бирү оешмалары укучылары өчен финанс грамоталылыгы буенча онлайн-дәресләр үткәрелә.

Дәресләр үсеп килүче буында финанс грамоталылыгы нигезләрен, рациональ Финанс үз-үзен тотышы җайланмаларын, финанс инструментларын дөрес итеп сайлап алу һәм финанс хезмәтләреннән файдаланучыларның хокукларын яклау нигезләрен формалаштыруга юнәлдерелгән.

Бүген “Ел укытучысы – 2023” бәйгесенең дәрес бирү этабы узды.  Гимназиябезнең инглиз теле уытучысы Алсу Рамилевна “Минем гаиләм “ темасына ачык дәрес күрсәтте. Кызыклы биремнәр һәм дәрес форматы укучылыларга бик ошады. Алсу Рамилевнага алга таба да уңышлар телибез!

Бүген Казан шәһәренең БДД  бүлеге белгече Зөлфия Вагыйзовна Мозаффарова катнашында, башлангыч сыйныфларда куркынычсызлык дәресләре үтте. Зөлфия Вагыйзовна укучыларга юл йөрү кагыйдәләре, төрле ситуацияләрдә үз-үзеңне тоту турында сөйләде.

Гимназиябездә традицияләр бик күп. Менә инде күп еллар мәктәп радиосы эшләп килә. Һәр атна дүшәмбе төрле сыйныф укучылары безне үткән атна яңалыклары һәм киләсе атнада булачак чаралар, истәлекле көннәр һәм сыйныфлар рейтингы белән таныштыралар.

Бу атнада гимназия радиосында 5 сыйныф укучылары чыгыш ясадылар.

Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.

Бу атнада укучылар “Волонтерлар көне” дигән темага фикер алыштылар.

Бүген 10-11 сыйныф укучылары Бөек Ватан сугышы тарихы буенча Халыкара акциядә катнаштылар. Укучылар тест биремнәре үтәп, сертификатлар алдылар.

Бүген 10 нчы сыйныф укучылары беренче рус императоры, патша-реформатор Петр I тууына 350 ел тулу уңаеннан оештырылган мультимедиа күргәзмәсендә булдылар. Күргәзмәнең нигезендә император һәм аның тирәсендәге шәхесләр турында гаҗәеп фактлар һәм чын архив документлары тора.

Бүген гимназиябездә Халыкара кеше хокуклары көне уңаеннан, Бөтенроссия бердәм хокук дәресләре, викториналар, интеллектуаль уеннар үтте.

Тематик дәрес вакытында укучылар «Кеше хокуклары» тарихы турында сөйләштеләр, Кеше хокуклары гомум декларациясенең кыскартылган варианты турында фикер алыштылар, кызыклы сорауларга җавап бирделәр. 

Халык җырлары, моңнары гасырлар аша буыннан буынга сакланып һәм камилләшеп, безнең бабаларыбыз тарафыннан калдырылган иң кадерле мирас булып тора. Халык җырлары үзләреннән үзләре тумаган, аларны кемнәрдер уйлап чыгарган,башлап җырлаган, димәк, аларның авторлары булган.Телдән-телгә күчеп, алар шомара барган һәм бүгенге көнгә кадәр сакланып камилләшеп килгән. Татар халык җырларын төрле уен коралларында уйнаганнар.

Туган телебезне үстерү һәм милли сәнгать, халык җырларына  мәхәббәт тәрбияләү максатыннан, гимназиябездә “Татар халык җырларын иң оста башкаручы сыйныф” бәйгесе үткәрелде. Чарада барлык сыйныфларда актив катнаштылар.

Бүген 9-10 нчы сыйныф укучылары антикоррупция темасына“Нәрсә? Кайда? Кайчан? бөтеншәһәр  интеллектуаль уенында катнаштылар.

Уенның максаты – балаларда ришвәтчелеккә карата тискәре мөнәсәбәт уяту, ришвәтчелекнең нәрсә икәнен билгеләү, хокук бозуга карата җаваплылык, аңа карата түзеп тормаслык мөнәсәбәт формалаштыру.