Мәктәбебезнең иң яхшы укучылары Кашапова Әлфинә, Хәнәфиева Рәсилә, Гыйзатуллин Фәрис ТНВ каналында баручы "Тамчы-шоу"  Бөтенроссия бәйгесендә катнашып кайттылар. Безнең мәктәп укучыларының әлеге бәйгедә беренче генә катнашулары түгел инде. Саба районнынан килгән команда белән "Татар халкының милли ризыклары" дигән тема астында көч сынаштылар. Уенның нәтиҗәләре белән тапшыруны карагач  таныша алырсыз.  Укучылар дипломнар, кыйммәтле бүләкләр һәм Камал театрына чакыру белән бүләкләнделәр. Афәрин дуслар!   

  Немец теленнән булып узган Бөтенроссия олимпиадасының муниципаль турында призер булган 10 класс укучысы Кадыйрова Ләйсәнне зур җиңүе белән котлыйбыз!  Ләйсәнгә һәм аны әзерләгән укытучысы Гобәйдуллина Рәйсә Алмазовнага алга таба да уңышлар телибез!  Афәрин!!!

   Известны итоги конкурса фотокаллажей посвященное ко Дню Матери "Улыбка Мамы". Ученик 10-го класса Замалиев Рузаль - 2 место, ученица 5-го класса Абзалина Гулия - 3 место. Поздравляем!

Кичә, безнең мәктәбебез базасында татар теле, биология, башлангыч класслар, немец теле укытучыларының муниципаль семинары булып узды. Килгән кунаклар әлеге фәннәрдән ачык дәресләрдә булдылар, ачык чарада катнаштылар һәм ахырда түгәрәк өстәл артында семинар эшенә нәтиҗәләр ясадылар. Эшкә гомуми нәтиҗәне мәгариф идарәсенең баш белгече Мостафина Рәйхан Абдулла кызы ясады.   Норлат зонасы мәктәпләреннән һәм Яшел Үзәннең 3 һәм 5 гимназияләреннән, 11 нче мәктәбеннән килгән мөгаллимнәр укытучыларның дәресләренә, чараларына югары бәя бирделәр. Төшке аштан соң кунаклар К.Насыйри исемендәге этнография музеена сәфәр кылдылар. Безгә килеп мәктәпнең эшчәнлегенә югары бәя биргән барлык кунакларга һәм семинарны әзерләгән мәктәп коллективына зур рәхмәтебезне белдерәбез!

     Беренче категорияле татар теле һәм әдәбияты укытучысы Кабирова Г.Р. кичә булып узган семинарда 5 класста ачык дәрес күрсәтте. Дәреснең темасы "Сүз басымы". Класс дәрестә ике группага бүленеп эшләде. Дәрес килгән кунаклар тарафыннан югары бәяләнде. 

   Югары категорияле татар теле һәм әдәбияты укытучысы Гатиятуллин Марат Гомәр улы 9 класс укучылары белән "Изложение һәм сочинение язу ысуллары" дигән темага ачык дәрес тәкъдим итте. Татар теленнән ДЙА га әзерлек максатыннан алынган әлеге дәрес үрнәге районнан килгән укытучылар өчен бик тә файдалы булды дип әйтәсе килә. Шунлыктан районның татар теле укытучылары метод берләшмәсе җитәкчесе Зөлфирә Үрнәковна әлеге темага шәһәр һәм район укытучылары өчен семинар үткәрергә кирәклеге турында әйтте һәм Марат Гомәр улын шул семинарда чыгыш ясарга чакырды.

   "Исем" сүз төркемен кабатлау.  Шушы тема астында югары категорияле башлангыч класслар укытучысы Замалиева Фәридә Гапделбарый кызы 4 класста ачык дәрес уздырды. ИКТ , кызыклы дәрес формалары кулланып оештырылган әлеге дәрес югары дәрәҗәдә узды. Килгән укытучылар дәрескә югары бәя бирде.