Әни...Өч хәрефтән торган бу сүздә күпме наз, җылылык hәм күңел тойгысы! Әни... hәр кеше өчен иң кадерле,иң сөйкемле зат ул!- Әни...Аның күзләре шундый ягымлы hәм мөлаем. Ә әнкәйнең куллары иң -иң җылы, иң-иң кадерле куллардыр мөгаен. Шул ягымлы куллар сиңа кагылуга,бөтен кайгыларың югала, ә балам дип аркаңнан сыйпаса, сиңа гүя канатлар үсә. Ә сүзләре...сүзләре шундый татлы, туң йөрәкләрне эретерлек җылы. Ә авырсаң төннәр буе яныңнан да китми инде ул! Бары әнкәйләрнең йөрәге генә шулкадәр түземле,шәфкатьле! Әни! Дөньяда иң кадерле, иң якын кеше ул.

Бүген бар кеше илебездә әниләрне котлый. Безнең мәктәп укучылары да әниләрен кунакка чакырды.Алар өчен "Ягез әле, әниләр!"  бәйгесе оештырылды. Укучылар үз hөнәрләрен күрсәтте,әниләр тапкырлыкта, җитезлектә ярышты.
 

Инициатором проведения Единого урока выступила спикер Совета Федерации Федерального Собрания Российской Федерации В.И. Матвиенко. Единый урок проходит при активной поддержке Минобрнауки РФ, Минкомсвязи РФ, Института развития Интернета, федеральных и региональных органов власти, а также представителей интернет-отрасли и общественных организаций. Единый урок представляет собой цикл мероприятий для школьников, направленных на повышение уровня кибербезопасности и цифровой грамотности, а также на обеспечение внимания родительской и педагогической общественности к проблеме обеспечения безопасности и развития детей в информационном пространстве.
В нашей школе тоже прошел единый урок по безопасности в сети Интернет.
 

Ел да көзге-кышкы чорда Татарстанда елгалардагы бозлыкларда уннарча кеше һәлак була, шул исәптән балалар да. Куркынычсызлык кагыйдәләрен үтәмәгәнгә килеп чыга бу.
Нык салкыннар башланганчы, бигрәк тә ноябрьдә, елга өстенә каткан боз тотрыксыз була. Кичке һәм төнге салкыннан ныгып киткәндәй булган боз көндез авырлыкны күтәреп тора алмый. Чөнки көндез көннең җылынып китүе белән боз үзенең ныклыгын югалта. Бүген класс сәгатьләрендә укучыларга кабаттан боз куркынычлыгы турында әңгәмә һәм инструктаж үткәрелде. 
 

Бүген мәктәптә "Мәктәп укытучыларының профессиональ компетентлыгын үстерү-хәзерге заман таләпләренә туры килгән укытуның сыйфатын күтәрүдә төп фактор" дигән темага педагогик киңәшмә узды. Киңәшмәдә 1 нче чиреккә йомгак, 1 сыйныф укучыларының адаптация узу чорына анализ ясалды.
 

1989 елның 20 ноябрендә БМО Бала хокуклары турында Конвенция кабул итә. Шул елдан башлап, 20 ноябрь - Бөтенрәсәй балаларга хокук ярдәме күрсәтү көне буларак игълан ителә. Конвенциядә 18 яшькә кадәрге һәрбер кешенең шәхси хокуклары күрсәтелгән, 54 матдәдән тора. Конвенциянең бурычы балаларның мәнфәгатьләрен кайгырту.Ул дәүләтне балалар өчен тиешле шартларны булдырырга өнди, балаларның дәүләт тормышында актив, иҗади катнашуларын сорый.
Шушы уңайдан бүген укучылар белән бала хокуклары турында тәрбия сәгате үткәрдек. Безнең максатыбыз: балаларны “закон”, “бурычлар”, “хокук” төшенчәләре белән таныштыру, төп хокуклар турында күзаллау булдыру. законга хөрмәт хисе тәрбияләү, законнарның төрлелеген күрсәтү, хокук һәм бурычларны аерырга өйрәнү.
Укучыларыбызның хокуклардан дөрес файдаланып, бурычларын үтәп яшәүләрен телибез.
 

Бүген укучылар мәктәпкә килде, 2 нче  чирек башланды.

6 ноябрь – Татарстан Җөмһүриятенең Конституциясе көне. Моннан 22 ел элек, 1992 нче елның 6нчы ноябрендә, Татарстанның Дәүләт Шурасы республикабызның төп канунын кабул иткән иде. 6 нчы ноябрь – милләтебез өчен олы һәм һаман да әле мөһимлеген югалтмаган көн буларак билгеләп үтелә. Барлык милләттәшләребезне әлеге истәлекле көн белән котлыйбыз!
 

4 ноябрь-Халыклар бердәмлеге көне. Безнең халыкта бик мәртәбәле бер әйтем бар: бердәмлектә – көч. Әйе, бердәм булсак, бер-беребезгә авыр чакта ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин, милләт халкына, аларның гореф-гадәтләренә хөрмәт белән карасак, шул чагында без – көчле халык. Иң әһәмиятлесе – кыйблабыз ачык, туры булсын.

Бүгеннән укучыларыбыз көзге каникулга китте.  Һәр  сыйныфта "Көзге каникуллар чорында үз – үзеңне тоту кагыйдәләре” дигән темага тәрбия сәгатьләре үткәрелде. Укучыларга сулыклар тирәсендә, янгын һәм электр куркынычсызлыгы, гадәттән тыш хәлләр вакытында үз-үзеңне тоту, негатив ситуацияләр вакытында, урамда, җәмәгать урыннарында үз –үзеңне тоту буенча, кич йөрүләр, караңгы төшкәч яктылык кайтаргычлар куллану турында сөйләшүләр үтте. Күңелле һәм файдалы яллар сезгә!