Яшел Үзән шәһәренең 85 еллыгы уңаеннан мәктәптә төрле чаралар уза. 20 нче апрельдән 31енә кадәр  "Күңелгә якын тугвн як" дигән темага китап күргәзмәсе эшли. Укучылар биредә район һәм шәһәр тарихы турында мәгълүматларны белә һәм үзебезнең якташ язучыларыбыз иҗаты белән таныша алалар.

Бүген мәктәбебездә районнан килгән психологлар белән очрашу булып узды. Алар балаларның күңел хәләтләре, дөньяга карашлары белән кызыксындылар, киңәшләрен бирделәр. Бу очрашу балалар өчен бик файдалы һәм кызыклы булды. Укучылар да, укытучылар да  психологик тренингта, уеннарда бик теләп һәм  актив катнаштылар.

Бүген Халыкара хатын - кызлар көне уңаеннан "Ягез әле, кызлар" бәйгесе үткәрелде.  Әлеге бәйгедә 6 -7 нче сыйныф кызларыннан торган ике команда көч сынашты. Нәтиҗәдә 37:37 исәбе белән дуслык җиңде. Бәйрәмгә әниләребез дә килгән иде. Аларга багышлап матур җырлар җырланды, дәртле биюләр башкарылды.Кадерле хатын-кызлар - әниләр,әбиләр, апалар, сеңелләр! Сезне чын күңелдән 8 Март бәйрәме белән котлыйбыз. Сезгә иң изге теләкләр телибез, якыннарыгызның игелеген күреп яшәргә язсын сезгә Ходай. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәйрәм белән!

Беренче сыйныф укучыларын зур җиңүләре белән котлыйбыз. Алар әлифба китабын укуны тәмамладылар. Бүген шул уңайдан мәктәптә бәйрәм булды.

Бүгенге дүшәмбе линейкасы бигрәк тә истә калырлык булды.  Конкурсларда катнашкан укучыларыбызга грамоталар, төрле дәрәҗәдәге дипломнар тапшырылды.