Безнең укучыларыбыз гына түгел, укытучыларыбыз да төрле конкурсларда актив катнаша. «Радуга талантов-2016» конкурсында катнашып,  вокал-соло номинациясендә 2 урын яулаганы  Айгөл Рашит кызын җиңүе белән котлыйбыз. Афәрин!

Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз. Шигырьләрен, әкиятләрен укып яшәргә өйрәнәбез. Менә бүген дә без  залга сөекле шагыйребезнең туган көнен билгеләп үтәргә дип җыелдык. Бүген бездә шигырь бәйрәме үтте. Кичәбез татар халкының гимнына әверелгән "Туган тел" җырын күмәкләп башкару белән тәмамланды.

Бүген 9 нчы сыйныф укучылары Норлат мәктәбендә татар теленнән бердәм республика тесты үттеләр. Нәтиҗәләрен көтәсе генә калды. Укучыларга алдагы имтиханнарында уңышлар теләп калабыз.

Бүген мәктәбебездә Габдулла Тукайның иҗатын чагылдырган рәсемнәр күргәзмәсе ачылды. Анда укучыларыбызның иң яхшы дип табылган эшләре урын алды.

Бүген Урысбага мәктәбендә мәдәният йорты белән берлектә бөек шагыребез Габдулла Тукайның 130 - еллыгына багышланган "Тукайга һәм Бәчек авылында яшәгән туганнарына багышлана..." диеп исемләнгән кичә уздырылды. Әлеге чарада безнең башлангыч сыйныф укучылары да үзләренең сыйныф җитәкчеләре белән катнаштылар.

Бүгенге өмәдә мәктәп укучылары һәйкәл янын чистартты.

Шимбә, чәршәмбе өмәләре дәвам итә. Бүген көне дә нәкъ өмә өчен диярсең. Иртән үк кояш кыздыра башлады, шуңа күрә эшләве дә күңелле булды.

Бүген мәктәбебезнең 7-9 нчы сыйныф егетләре Норлат мәктәбендә уздырылган волейбол ярышында катнаштылар һәм норлатлыларны 3:0 исәбе белән җиңеп кайттылар. Афәрин, егетләр!

Яз тулысы белән үз көченә керде, кар эреп бетте диярлек.Кыш буе кар астында яшеренгән пычраклык тирә - юньгә калыкты. Шуннан арыну өчен чәршәмбе һәм шимбә көннәрендә өмәләр уза. Менә бүген дә укучылар мәктәп тирәсен чистартуда актив катнаштылар.