3 нче март көнне "Яшьлек" милли-мәдәни үзәгендә районыбызның 14 яше тулган егетләргә, кызларга тантаналы рәвештә Россия Федерациясе гражданины паспорты тапшырылды.Тантанада безнең мәктәпнең 8 енче класс укучысы  Хисамова Энҗе  катнашты.

Бүген мәктәп күләмендә 2-9 класслар арасында кышкы сезонны ябу буенча чаңгы ярышы уздырылды.

1 мартта район күләмендә үткәрелгән Бөек Җиңүнең 71 еллыгына багышланган "Салют, Победа!" ярышында 9 класс укучылары катнашып районда уңышлы чыгыш ясадылар. Җитәкчеләре-Хәбибуллин Айдар Дамир улы.

"Парламент дәресе-2015"  конкурсында катнашып , тарих  һәм җәмгыять белеме  укытучысы Хәбибуллина Сөмбел Габдулла кызы  методик эшкәртмәләр номинациясендә 1 нче урынга,  " Гражданин, җәмгыять, дәүләт" темасына иншалар  конкурсында 8 нче  класс укучысы Хәбибуллина Алинә җиңүче булды. Аларның эшләре республика этабына җибәрелде.  Уңышлары белән котлыйбыз, киләчәктә дә уңышлар телибез!

Хөрмәтле ир-егетләребез!  Сезне 23 февраль - Ватанны саклаучылар көне белән  тәбрик итәбез! Сезгә  исәнлек-саулык, гаилә бәхете,  якыннарыгызның җылысын тоеп, кадер - хөрмәттә, бәхетле гомер итегез. Күгебез тыныч, ил-көнебез имин булсын!  Дөньялар тыныч булсын, күз яше түгелмәсен, ир-егетләрнең каны коелмасын, тынычлыкта атсын таңнар!

Бүген мәктәп күләмендә "Ягез әле, егетләр" кичәсе үткәрелде. 7-9 классларда укучы егетләр "Гром" һәм "Ракета" төркемнәренә бүленеп, үзләренең җитезлекләрен, көчлелекләрен, авыр хәлләрдә югалып калмый торган икәнлекләрен күрсәттеләр. Ярыш нәтиҗәләре буенча югары балл җыйган "Ракета командасы җиңүгә иреште. Бәйрәмне уздыручы физкультура һәм ТИН укытучысы Хабибуллин Айдар Дамир улы.

22 февраль көнне  мәктәптә "Туган телем-мавыктыргыч тел" исеме астында  интеллектуаль уен-бәйге узды.Укучылар туган тел көнен билгеләп үтүнең тарихы белән таныштырдылар, шигырьләр сөйләделәр,җырлар җырладылар. Укучылар "Туган тел" һәм "Тукай оныклары " командаларына бүленеп көч сынаштылар.  Оештыручы Галиева Л.И.

Февраль ае һәр елны хәрби-патриотик айлык дип үткәрелә. Бәйрәмнәре, ярышлары белән сыный бу ай егетләрне. Шундый бәйгеләрнең чираттагысы - биатлон - бүген Актанышта үтте. Башта мәктәп күләмендә үткәрелгән бу ярышта үзләрен иң төз атучы, шул ук вакытта иң җитез чаңгычылар итеп Фатыйхов Илфар һәм Нуртдинов Нияз күрсәтте. Бүген дә алар һич тә сынатмадылар: район күләмендә 1 урынга ия булдылар!