Бүгенге заманда  балаларга инглиз телен балалар бакчасыннан ук өйрәтүне тәлап итәләр. Чынлап та моның кирәклеген барыбыз да аңлыйбыз,шуңа күрә мәктәпкә әзерлек төркемендә уку елы башыннан ук инглиз теле түгәрәге эшләп килә. Үз эшенә бик җаваплы караган тәрбиячебез Эльвира Валерьевна балаларыбызны инглиз телендә аралашу серләренә төшендерә. Бүген исә балаларның ел буена үзләштергән  белемнәренә бәя бирү өчен югарыдан  комиссия килде.Алар балаларның белемнәрен уен ,диолог формасында ачыкладылар, һәм бик кәнагәть калдылар. 

Бүген, мәктәпкә әзерлек төркемендә,  башлангыч сыйныф укытучылары һәм  ата-аналар өчен ачык ишекләр көне оештырылды. Әлеге чарага тәрбияче Рәзилә Марселевна граматага өйрәтү,сөйләм үстерү, танып-белү өлкәләрен берләштереп интеграль белем бирү эшчәнлеге әзерләгән иде. Шулай ук рус теле тәрбиячесе, логопед һәм инглиз теле тәрбиячесе дә үз эшчәнлекләренә йомгак ясап, балаларның  ел буе үзләштергән белемнәрен ата-аналарга күрсәттеләр. Балаларның җавап бирүләренә, белем бирү эшчәнлекләрендә актив катнашуларына караганда,  белемнәре тирән икәнлеге күренә. Тәрбиячеләребезгә алга таба да уңышлар телибез!

Җиңүнең 74 еллыгына багышланган чарага әзерләнүгә безнең бакча балаларының да зур өлеше керә. Мәкләпкә әзерлек төркеме балалары әлеге чарада актив катнашалар. Әлеге бәйрәм аша без балаларның күнелләренә сугыш ветераннарына булган хөрмәт хисләрен сеңдерергә тырышабыз.

Сап сары булган бүген безнең балалар бакчасындагы ялан. Ул чәчәкләрдә күпме бал корты, күбәләк аларда сөенгәннәр, чөнки беренче чәчәкләр чәчәк аткан. Без аларны ерактан гына күзәттек, бал кортларын кыерсытасы килмәде. Без беләбез: чәчкләрне өзәргә, бөҗәкләрне борчырга ярамаганлыгын.  

1 "А" төркеме балаларын Георгий тасмасы белән таныштырдык. Бу тасманы җиңү бәйрәме көнне тагып чыгу кирәклеге турында аңлату эшләре алып барылды.

Кунакка, экскурсияләрдә булырга без бик яратабыз. Ә менә бүген Рекс исемле эт янына кунакка  бардык. Ул кечкенә буйлы булсада  ишек алдын саклый белә. Чит кешеләрне ул күрмәсә дә, исләреннән сизеп, ишетеп безне куркытмакчы булып өреп куйды. Ә соңыннан койрыгын болгап без кунакка килгәнгә сөенеп кылтаеп йөрде.. 

Безнең тәрәзә төбендә бүген төнлә нидер булган. Анда без утырткан суганнар, бодайлар, арпалар яшел кыякларын күрсәткәннәр. Без аларны дустыбыз Динозаврикка сакларга куштык. Күзәтүләребезне  рәсемләп  аңа бүләк иттек. 

25 апрель көнне Ромашка балалар бакчасында "Тукай безнең күңелләрдә" дигән кичә булып узды. Бу кичәдә бөек шагыйребезнең тормыш юлы белән таныштырылды, шигырьләре укылды, әсәрләре сәхнәләштерелде, жиңүче балаларга бакчабыз методисты Мөршидә Тимербаевна грамота тапшырды.Бакчабызда хезмәт иткән, лаеклы ялдагы тәрбияче Зөлфирә Солтанованың "Тукай геройлары- табигать сагында " шигыре укылды. Кичә Г.Тукайның туган тел жыры белән төгәлләнде.

# ЭКОЯЗ 2019 республика акциясе кысаларында балаларны табигатьне сакларга кече яшьтән үк өйрәтү буенча чаралар уздырабыз. I кечкенәләр Б группасы балалары Тукай әкиятләрендәге геройлар белән бергәләп урманга сәяхәт иттеләр. Сәяхәт барышында тирә- юньне чистартырга, аны сакларга өйрәнделәр.

В рамках республиканской акции # ЭКОЯЗ 2019 проводим мероприятия по обучению детей охране природы с раннего возраста. Дети I младшей Б группы вместе с героями сказок Тукая совершили путешествие в лес. В ходе поездки они научились очищать и беречь окружающую среду

Безнең “Ромашка” балалар бакчасы бөтен яклап та каен, юкә, җимеш агачлары белән әйләндереп алынган.  Һәр яз саен без ул агачларга бик күп сыерчык оялары эләбез,тузганнарын алыштырып торабыз, бу эштә безгә ата-аналар ярдәм итә.Бу ояларга ел саен парлап сыерчыклар килә, прогулка вакытында аларны балалар белән бергәләп күзәтәбез, сыерчыкларның табигатькә файдасы турында аңлатабыз.  Күптән түгел  балалар бакчасы кысаларында “Кошлар көне”н зур әзерлек белән үткәргән булсак,бүген без мәктәпкә әзерлек төркеме балалары белән район күләмендә уздырылган “Сыерчыкларны каршы алыйк!” марафонында катнашып, үзебез ясаган ояны парктагы агачка элеп кайттык .Әлеге изге гамәл балалар күңелендә чиксез сөенү тудырды.