Һәр ел фасылы үзенчә матур. Ә көз - байлык, муллык, табигатьнең барлык ачык төсләрен күрсәтүче үзенчәлекле чор. Ата-аналар һәм балаларның шул гүзәллекне күрсәтә алуларын бакчабызда оештырылган «Көзге муллык» дигән күргәзмәдә ачыкладык. Һәр төркемнән кызыклы, эчтәлекле эшләр сайлап алынды. Алар табигый материаллардан, җиләк-җимеш, яшелчәләрдән ясалып, һәрберсе аерым игътибарга лаек иде. 

Көзнең бар матурлыгын  кәгазьгә төшерү,  балаларда матур көз күренешенә  соклану хисе тәрбияләү максатында "Көзге матурлык" исеме астында балалар һәм ата-аналар тарафыннан ясалган рәсемнәрдән күргәзмә оештырылды.

Тәрбияче хезмәте – җаваплы һәм фидакарь хезмәт. Ул көч-энергия һәм бик зур сабырлык сорый. Һөнәрегезгә тугры калуыгыз  өчен рәхмәт. Көчегез артып торсын, эшләү дәрте сүрелмәсен, балалар белән үзара аңлашып эшләргә язсын, һәрвакыт уңышлар юлдаш булсын Сезгә!

Рәсәй күләмендәге йөгерү көне кысларында   уздырылган җиңел атлетика кроссында бакчабыз коллективы актив катнашты. Иң өлкән яшьтәгеләр арасында Идрисова Дилә Җихангир кызы  3 нче урынга лаек булып, Мактау кәгазе, медаль һәм истәлеклә бүләк белән бүләкләнде.

Юл йөрү кагыйдәләренә өйрәтх иң кече яшьтәге төркемнәрдән үк башлана. Моның өчен бакчабыздагы автошәһәрчекнең әһәмияте бик зур. Бүегн уртанчылар төркеме балалары светофор белән таныштылар.

Көзнен иң матур көннәренең берсендә барлык төркем балалары көзге урманга сәяхәт кылдылар. Төрле төстәге яфраклардан букетлар ясадылар, агач күркәләре җыйдылар.  Спорт уеннары уйнарга да өлгерделәр. 

Балаларның янгын чыгу куркынычсызлыгы турында һәм янгын сүндерүчеләрең һөнәрләре турында белемнәрен ныгыту, ут-күзчыкмасын өчен үтәлергә тиешле кагыйдәләр белән танышу һәм балаларның сөйләм телләрен үстерү, бу һөнәрдәге кешеләр турында горурлык хисе уяту максатыннанбалалар бакчасының зурлар һәм мәктәпкә әзерлек төркеме нәниләре "Татарстан Республикасының янгынга каршы федераль хезмәтенең 15 нче отряды" Федераль дәүләт казна оешмасының 103 нче янгын сакчылыгы бүлегенә сәяхәт кылдылар. Балалар янгын сүндерүче машиналарның җиһазлары һәм янгын сүндерүчеләрнең киемнәре белән таныштылар, кайбер киемнәрне киеп тә карадылар. Шулай ук алар янгын бүлегенең диспетчер бүлмәсендә дә булдылар. Хезмәткәрләр Марат Арсланов һәм Фәрит Лотфуллиннар аларга кызыклы һәм аңлаешлы итеп янгын сүндерүчеләр турында сөйләде.

Район күләмендә уздырылган "Актаныш муниципаль районының иң брендлы сувениры" бәйгесендә безнең балалар бакчасы педагоглары да актив катнаштылар. Алар арасында Халилова А.А. 1 урынга, Нуриева З.Р. төркеменнән Хусниев Динияр 1 урынга лаек булдылар. Ә балалар бакчасы призлы 3 урынга лаек булды.

Бүген балалар бакчасында яңа уку елын бәйрәм белән башлап җибәрдек. Белем бәйрәмендә балаларны котларга төлке Алиса, мәче Базилио да килгәннәр иде. Мәктәпкә әзерлек төркеме балалары тәрбиячеләре Вахитова Г.Х., музыка җитәкчесе Халилова А.А. белән бергә  балаларны бәйрәм белән котлап матур җырларын, биюләрен, шигырьләрен бүләк иттеләр.