Бүген, белем бирү учреждениелары  арасында район күләмендә үткәрелгән  мәктәп ярминкәсендә катнашып, район халкына үз бакчабызда үстерелгән яшелчә, җиләк-җимешләрне, кулдан эшләнгән  йорт кирәк-яракларын  тәкъдим иттек.
Ярминкәдә шулай ук район мәгълүмат-мөхәррият үзәге уздырган  "Чи бәрәңгедән композицияләр"  конкурсында да үз эшебез-матур композициябез белән катнаштык.

     7 нче сентябрь көнне район мәдәният сараенда оештырылган  Чәчәкләр бәйрәмендә мәктәбебез  коллективы . "Өй алдыбыз гөлбакча-2012" район бәйгесендә , авыл җирлекләрендәге мәгариф учреждениелары арасында "Иң яхшы  чәчәклек" номинациясендә III урын, һәм  "Чәчәкләр күргәзмәсендә"  номинациясендә  авыл җирлекләрендәге мәктәпләр арасында III урын яулап, район хакимияте башлыгының рәхмәт хатларына һәм кыйммәтле бүләкләргә лаек булды.

  Мәктәбебездә  тәрбия бирүнең төп юнәлеше -хезмәт тәрбиясе бирү . Балаларның буш вакыты һәрвакыт  файдалы хезмәттә үтә. Бүгенге көндә укучыларыбыз   дәрестән соңгы вакытларында бәрәңге уңышын җыю,  урнаштыру  белән мәшгуль. 

Хөрмәтле  укучылар, әти-әниләр, педагоглар!  Мәктәбебез коллективы Белем бәйрәме белән ихлас котлый, сәламәтлек, уңышлар, матур киләчәк тели!

   Бүген мәктәбебезне тәмамлаучы 9 укучы өчен соңгы кыңгырау яңгырады.Мәктәп коллективы укучыларыбызның имтиханнарны уңышлы тапшыруларын, сау-сәламәт, бәхетле, игелекле булуларын, тормышта үз юлларын табуларын тели.

      Бүген мәктәбебездә   "Балаларга өмет бүләк ит!" акциясе кысаларында район  эчке эшләр бүлеге хезмәткәрләре кунакта булды. Балаларыбыз тарафыннан куелган концерт-тамашаны карап кунаклар югары бәяләделәр, аларның ял  вакытларын оештыруда  файдалану өчен спорт кирәк-яраклары бүләк иттеләр. Мәктәп дирекциясе әлеге изге гамәлне оештыручыларга чын күңелдән ихлас рәхмәтләрен җиткерә!

   21  нче май көнне IV группа укучылары өчен тзрбиячеләре Л.Ф.Бахтиева "Минем бүген туган көн!" дип исемләнгән кичә оештырды.Балаларга төрле уеннар уйнадылар, укытучы-тәрбияче апалардан котлаулар, бүләкләр кабул иттеләр. Кичә бик күңелле узды. Балалар бәйрәмнән күтәренке кәеф белән таралдылар.

  Бәйрәмсез бик күңелсез бит,

Күңелсездер сезгә дә.

Бәйрәмнәр кирәк сезгә дә,

Бәйрәмнәр кирәк безгә дә,

Кирәк һәммәбезгә дә!

    15 май көнне тәрбиячеләр Л.И.Нуриева һәм А.Н.Петрова II группа укучыларының туган көн кичәсен уздырды. Бәйрәм кичәсе зур әзерлек белән үтте. Җырлар-биюләр, төрле ярыш-конкурслар белән үрелеп барган кичә бар балаларга да, килгән кунакларга да бик ошады.

Бүген , тәрбияче А.И.Гараева  III группа укучылары белән "Туган көннән дә шәп бәйрәм юк" дигән исем астында  туган көн кичәсе үткәрде. Кичәнең беренче өлешендә укучылар үзләренең һөнәрләрен күрсәттеләр, ә икенче өлеше төрле кызыклы уеннар белән дәвам итте. Балалар уеннарда бик теләп катнаштылар, бүләкләр дә бик мулдан иде. Гомумән, кичә бик күңелле үтте.

  Кичә, I группа тәрбиячесе Г.Мухаметшина "Куянкайның туган көне" исеме астында җырлы-биюле туган көн кичәсе уздырды. Кичә яз һәм җәй айларында туган көннәрен үткәрүче балалар өчен булды. Кичә  күңелле уеннарга, җыр-биюләргә, котлауларга бай иде.