24 февральдә Түбән Тигәнәледә ООО "Нива" һәм " Сельхозснаб" призына татарча көрәш булып узды. Безнең укучылар бу юлы да сынатмадылар. 9 сыйныф укучылары Кадиров Нияз 1 нче урын, Халилов Рүзәл 1 нче урын, 8 сыйныф укчылары Гарипов Самат 2 нче урын, Зарипов Алмаз 2 нче урын яулап кайттылар. Командалар арасында да 2 нче урынны алдылар. Егетләр афәрин!

Бүген безнең мәктәптә "Башлангыч сыйныф  укучысы моделе" бәйгесе булып узды. Бәйгедә алты мәктәптән укучылар канашты. Кыр Шенталысы урта мәктәбе укучысы Камалова Таңсылу абсолют җиңүче булды, ә безнең мәктәп укучысы Галимова Нәргиз 2 нче урынны яулады. Укучылар барысы да зур әзерлек белән килгәннәр, һәрберсе төрле номинацияләрдә җиңүче булып грамоталар белән бүләкләнде. 

21 февральдә мәктәбебездә тарих фәне көне булып, батырлык дәресе циклыннан "Без аларны онытмабыз" дип аталган батырлык дәресе үткәрелде. Бу дәрестә 6 нчы, 7 нче сыйныф укучылары актив катнашты. Кичәдә документаль фильм уңышлы кулланылды. Укучыларда патриотик хис тәрбияләүдә һәр нәрсә уйланылып әзерләнгән иде.

1942 елның 2 февралендә Сталинград өчен сугыш безнең гаскәрнең җиңүе белән тәмамланган. Бөек Ватан сугышы барышында зур борылыш ясауга китергән әһәмиятле җиңү була бу. Сталинград өчен барган сугыш һәм аның нәтиҗәләре турында презентация бик күп өстәмә мәгълүматлар бирде. Укучылар үзләренә күп яңалыклар алдылар.

Батырлык  дәресен оештырган тарих укытучысы Гөлсем Рәшит кызы Зариповага рәхмәтебезне белдерәбез.

Уважаемые коллеги мужчины и юноши! Поздравляем Вас с праздником - Днем защитника Отечества!

Желаем мирного неба над головой, бодрости духа и веры в себя! Пусть Ваш ум, сила, мужество и самые лучшие качества успешно отражаются в работе и учебе, творчестве!

                                      С наилучшими пожеланиями коллеги женщины и девушки.

В течении 2012 года центр занятости населения Алексеевского района проводит бесплатное обучение пенсионеров и лиц предпенсионного возраста основам компьютерной грамотности.

с 7 февраля 2012 года на базе Большетиганской СОШ начались учебы. В ходе занятий пенсионеры получают сведения о персональных компьтерах, о работе в сети Интернет, знакомятся с электронной почтой, основными принципами работы в операционной системе "Windows" и использованием текстового редактора "Microsoft Wort" . Программа рассчитана на 72  часа. 

 Белгәнегезчә, 2013 елда Татарстаныбыз башкаласы Казан шәһәре зур вакыйга-студентларның XXVII Бөтендөнья җәйге универсиадасы хуҗасы булачак. Бу дөньякүләм әһәмияткә ия булган вакыйганы үткәрү-Казан шәһәре өчен бик зур дәрәҗә. Универсиада үткәрелгән көннәрдә Казан моңарчы күрелмәгән санда спортчылар, туристлар кабул итәчәк. Димәк, Казан шәһәренең, Татарстаныбызның даны бик еракларга таралачак. Бүгенге  5-6 сыйныф укучылары белән Айсылу Нәҗип кызы Сәйфетдинова үткәргән "Универсиада дәресе" шул хакта барды.

Универсиада турында сөйләшкәннән соң, белемнәрне тикшереп карау максатыннан укучылар арасында ярыш узды һәм җиңүче итеп 6 сыйныф укучысы Ахметзянов Алмаз билгеләнде.

17 февраль көнне районда шигырь бәйгесе булып узды. Бәйгедә 5 сыйныф укучысы Хайбуллин Рифат (3 урын), 9 сыйныф укучысы Сайфетдинова Энҗе (2 урын), 10 сыйныф укучысы Зарипова Ландыш (1 урын) катнашып призлы урыннар яуладылар. Алда да уңышлар телибез сезгә. 

10 январьдә мәктәбебездә   татар мәктәпләренең татар теле һәм әдәбияты укытучылары семинары булды. Семинар уңышлы узды. Семинарда чыгыш ясаучы укытучыларга Асфандиярова Айгуль Таһир кызына һәм Кадирова Гөлсинә Сөләймән кызына рәхмәтебезне белдерәбез, алда да уңышлар телибез.

Бүген 2 нче сыйныфта немец теленнән "Әлифба" бәйрәме булып узды. Бәйрәмгә әти-әниләр дә килде. Укучылар шигырьләр сөйләп, җырлар җырлап, сорауларга тапкыр җаваплар биреп әти-әниләренә ярты ел буена нәрсәләр өйрәнгәннәрен күрсәттеләр. Бәйрәм ике команда арасында ярыш формасында оештырылган иде.