2 нче март көнне мәктәбебездә «Барлык чорлар өчен дә педагог» проекты кысаларында ветеран укытучыларыбыз Гатауллина Зарифа Габдрахман кызы һәм Хәйруллина Нуфилә Абдулла кызы башлангыч сыйныф укучылары белән “Шәфкатьлелек бизи кешене” дигән темага әңгәмә үткәрделәр. Очрашу бик җылы, балалар өчен файдалы булды. Зарифа Габдрахмановна һәм Нуфилә Абдулловна беренче эш көненнән башлап, лаеклы ялга чыкканчы Ашытбаш урта мәктәбендә балаларга белем һәм тәрбия бирделәр, бүген дә укучыларының, ата-аналарның ихтирамын тоеп яшиләр.

Хөрмәтле ветераннарыбызга сәламәтлек теләп, һәрдаим акыллы  киңәшләрен биреп,  безнең арада булырлар дип ышанабыз.

Бүген район күләмендә булып узган чаңгы ярышында безнең мәктәп командасы беренче урынны яулады. Чын күңелдән җиңүчеләрне котлыйбыз! Нык сәламәтлек, зур уңышлар телибез!

Бүген мәктәп инспекторы Н.К.Нигъмәтуллин белән очрашу булды. Нил Камбил улы укучыларга тәртип, террорчылыкка каршы көрәш турында сөйләде. Куркынычсызлык кагыйдәләрен искә төшерде. Укучыларның сорауларына җавап бирде.

Ватанны саклаучылар көне – кыюлык, намус hәм батырлык көне . Бу көчле рухлылык, чын ир-егетлəрнең батырлык, намус һəм абруй кебек сыйфатларга ия булуларын раслый торган бəйрəм. Ватанга һəм халыкка хезмəт итү - үз илен ихлас сөюче гражданнарның һəрвакыт төп максаты булды һəм шулай булып калачак та.

     Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телибез.

21 февраль –  Халыкара Туган тел көне. Һәр милләт кешесе өчен иң моңлы көй — үзенең милли көе, иң матур, иң кадерле тел — үзенең туган теле.

Туган тел көне уңаеннан мәктәбебездә  тәрбия сәгатьләре, “Туган җирем, туган телем,мин бит синнән илһам алам”дигән сыйныфтан тыш чара узды.

17 нче февраль көнне мәктәбебездә  2005 елда туганнар һәм алардан кечерәкләр арасында район беренчелегенә татарча көрәш ярышлары крестьян-фермер хужалыгы җитәкчесе Руслан Нуриев призына үткәрелде. Әлеге чарада район башкарма комитеты җитәкчесе урынбасары Рамил Гарифҗанов катнашты.Барысы 70 бала катнашты. Тренерлар Таһир Лотфуллин, Илшат Фазылҗанов, Рамил Хәкимҗанов хөкем итте. Аларга җанатарлар «Районның иң гадел судьялары» дигән бәяне бирде. Ярышлар бик күңелле барды.

   Командалар арасында  1 нче урынны Ашытбаш  урта мәктәбе командасы яулады. 2 нче урында Яңа Кенәр урта мәктәбе, 3 нче урында Шушмабаш урта мәктәбе командасы.Җиңүчеләрне чын куңелдән котлыйбыз! Киләчәктә дә нык сәламәтлек,  зур уңышлар телибез.  

15 февраль-  татар халкының күренекле шагыйре, Советлар Союзы герое

Мәктәбебезнең тимурчы оторядларының максаты – кешеләргә шатлык китерү, аны чын күңелдән башкару,әйләнә –тирә тормышны тагында матурырак итәргә омтылу. Шушы максатны тормышка ашыру өчен без һәрдаим өлкәннәребезгә ярдәм итеп торабыз.

5-6 класс укучылары Хайруллина Талия апаның йорт әйләнәсен кардан  чистарталар

Әфган сугышы... Бу коточкыч вакыйгаларга нокта куелган 1989 нчы елның 15 нче февраль көненнән соң нәкъ 29 ел вакыт узып киткән. 15 нче февраль – Россиядә интернационалист сугышчыларны искә алу көне итеп үткәрелә.   

14 февраль көнне 5 класста “ Әфганстан йөрәк ярасы” дигән темада  ачык класс сәгате уздырылды.

Укучылар  Әфган сугышы,аның асылы һәм хәрби бурычларын үтәгәндә һәлак булган райондашларыбыз белән таныштылар.

  Әлеге чарада  Әфганстанда хезмәт иткән авылдшыбыз  Сираҗиев Нәкыйп абый  катнашты. Ул  үзенең күргәннәре белән уртаклашудан тыш, укучыларның да күп сорауларына җавап бирде. Төпле киңәшләрен , матур теләкләрен җиткерде.