“Әниләр көне” уңаеннан ачык дәресләр дәвам итә. Инглиз теле укытучысы Ф.Ф.Файзуллина 7 нче сыйныфлар белән бергә бик матур дәрес күрсәтте. Укучылар дәрестә бик актив катнаштылар, әниләренә үзләренең белемнәрен күрсәтеп калырга тырыштылар. Дәрес ахырында группаларга бүленеп мини-проектлар эшләделәр.

Әниләр көне уңаеннан башлангыч класслар укытучы Хабибуллина Р.Р. 3 нче класста “Исем” темасын кабатлау буенча татар теленнән ачык дәрес үткәрде. Укучылар дәрестә “Исем” темасы буенча белемнәрен ныгыттылар, логик фикерләү сәләтен, мөстәкыйльлекне, иҗади активлыкны һәм танып-белүне үстерү, аралашу һәм коллективта хезмәттәшлек итү күнекмәләрен формалаштыру өстендә күп эшләнде. Соңыннан укучылар әниләрен бәйрәм белән котладылар, кулдан ясалган бүләкләрен бүләк иттеләр.

27 нче ноябрь көнне Гыйззәтуллина Г.Х. 7класс укучыларының әти-әниләре каршында ачык дәрес бирде. Дәрес “Көньяк материкларның үзенчәлекләре.Африканың географик урыны,тикшеренү тарихы” темасына ФГОС таләпләренә туры китереп, яңа технологияләр кулланып үткәрелде.Балалар дәрестә актив катнаштылар,үз белемнәрен әти-әниләренә күрсәттеләр.

25 ноябрьдә 9 илдә һәм 20 төбәктә “Татарча диктант” акциясе узды. “Татарча диктант”тан соң «Татар телен яңача укыту» темасына багышланган «Акыл фабрикасы» белем бирү һәм проектлар төзү мәктәбенең 2 көне үткәрелде.. "Татарча диктант" 9 илдә һәм 20 төбәктә узды: Казан, Мәскәү, Санкт-Петербург, Ижау, Уфа, һ.б.“Татарча диктант” акциясендә һәм акыл фабрикасында   безнең мәктәбебезнең   татар теле һәм әдәбияты укытучысы  Әүхәдиева М.Р. катнашты.

 “Акыд фабрикасында”берничә ай дәвам иткән тикшеренүләрнең нәтиҗәләрен яктырту, дөнья тәҗрибәсен истә тотып, татар мәктәбенең киләчәге турында сөйләшү, идеаль татар мәктәбе һәм, гомумән, төрле модельлар булдыру  турында сөйләшенде.

Башлангыч класслар атналыгының  5 нче көнендә укытучы Хабибуллина Р.Р. 3 нче класс укучылары белән “Иң матур матрёшка” дигән тема астында ачык дәрестән тыш эшчәнлек үткәрде. Эшчәнлек барышында укучылар төрле халыкларның культура мираслары белән таныштылар. Мөстәкыйль рәвештә матрёшкалар ясаганда  ритмны, төсне тоя белү, характерлы үзенчәлекләрен аера белү серләренә төшенделәр. Укучылар эшләү процессыннан, үз эшләренең нәтиҗәсен күрүдән канәгатьләнү, шатлык  хисләре алдылар. Соңыннан җиңүчеләр билгеләнде

Әни – җирдә иң газиз,иң якын кеше.Ул сине тудырган, көйләп бишектә тирбәткән,синең беренче елмаюыңны,тәпи атлап китүеңне күреп шатланган,туган телне яратырга өйрәткән.

24 ноябрь көнне  5 нче сыйныф укучыларының әниләре бәйрәм уңаеннан мәктәпкә килделәр. Алар башта татар әдәбиятыннан ачык дәрес карадылар. Бәйрәмнең икенче өлешендә әниләр “ Җыр кешенең юлдашы” дигән бәйгедә катнаштылар . Ә укучылар  әниләренә булган изге теләкләрен матур шигырьләр, җырлар аша җиткерделәр

23 нче ноябрьдә Ибраһимова Л.Ф. 4 нче класста математикадан “Хәрәкәт вакытында зурлыклар арасында бәйләнеш. Кем яки нәрсә тизрәк хәрәкәтләнә” темасына ачык дәрес күрсәтте. Ачык дәрескә Акчишмә һәм Кысна башлангыч мәктәпләреннән  укытучылар һәм әниләр чакырылды. Дәрес ФГОС таләпләренә туры китереп үткәрелде, инновацион технологияләр һәм Сингапур структуралары кулланылды

Бүген башлангыч класс атналыгы кысаларында 1класста әдәби укудан “Ю,ю хэрефләре,аларнын аваз мәгънәләре.Ю,ю хэрефләренең кулланышы”темасына  әниләргә һәм методик берләшмә укытучыларынна ачык дәрес бирелде.Дәрестә уен элементлары,күрсәтмәлекләр, сингапу структуралары кулланылды.Укучылар бик актив булдылар.