Мәктәп яны тәҗрибә участогында эш дәвам итә. Бүген укытучы Г.В.Шәйхетдинова җитәкчелегендә кәбестә төпләренә өелде.

Мәктәп яны тәҗрибә участогында эш дәвам итә. Кече яшьтән укучылар практик күнекмәләр алалар, хезмәткә өйрәнәләр. Эш план нигезендә алып барыла. Алдагы атнада укучылар дежур укытучы Гыйззәтуллина Г.Х. җитәкчелегендә кишер һәм чөгендер түтәлләрен сирәкләделәр, чүптән арындырдылар.

Без,  мәктәбебезнең укытучылар  коллективы, пенсионер укытучылар, 28 июнь көнне   бабаларыбыз яшәгән төбәккә, көчле һәм мәгърур Болгар музей-тыюлыгына экскурсиягә  бардык.  Рухыбыз үткәннәр белән тоташты. Халкыбыз, динебез һәм телебез турында уйландык. Чал ташлар, хәрабәләрдән торгызылган мәһабәт корылмалар… Әйе, соңгы елларда борынгы Болгар җире яңарыш кичерә. Күп хатирәләрне үзләренә сеңдереп яткан хәрабәләр, халкыбызның үлмәс рухына булган һәйкәлләргә әверелеп яңарып, матураеп торып бастылар. Болгар музей-тыюлыгында кабат торгызылган Ак мәчет, Көньяк мавзолей, Төньяк мавзолей, Кече манара, Ак пулат, Кара пулат, Хан мунчасы, Хан төрбәсе, Кече шәһәрчек, Габдрахман коесы, Рәбига күле янында йөрдек һәм халык хәтерендә сакланган риваятьләрне  тыңладык, фоталарга төштек.  “Үткәнен белмәгән халыкның киләчәге юк”, – диләр. Дөрес сүзләр. Халык хәтере булып яңарыш кичергән Изге Болгар җире һәркайсыбызга да бик якын, газиз шул. Сәяхәтебездән алган онытмаслык тәэсирләребезне  сүзләр белән генә белдереп бетерерлек түгел. Сәяхәт бик матур һәм файдалы булды.

25 июнь. Чыгарылыш кичәсе. Бәйрәмне мәктәп директоры  Рәмизә Рәисовна ачып җибәрде, чыгарылыш сыйныф укучыларына иң изге теләкләрен җиткерде, өлгергәнлек турында аттестатлар тапшырды.  Чыгарылыш сыйныф укучылары алтау гына булсалар да , уңышлары зур .Дүрт укучы алтын медаль иясе, өч егет ГТО ның алтын значогына ия. Олимпиада, конкурс, бәйгеләрдә җиңүләрен санап бетерергә бүгенге көн генә җитмәс , мөгаен.  Чыгарылыш сыйныф укучыларын   крестьян- фермер хуҗалыгы җитәкчесе Р.И.Нуриев, Ташкичү җирле үзидарә башлыгы  Ф.Х.Файзуллин котлады. Алар үзләренең матур теләкләрен теләделәр, киңәшләрен бирделәр.  Укучылар концерт номерлары аша мәктәп дирекциясенә, укытучыларга, хезмәткәрләргә, әти-әниләргә рәхмәт хисләрен белдерде. Директор урынбасарлары,  сыйныф житәкчесе , укытучылар , балаларга хәерле юллар теләп, күңел түрендәге олы хисләрен җиткерде. Әти-әниләр шулай ук укытучы-тәрбиячеләргә рәхмәт белдереп, унышлар теләде.  Бүген 6  укучыбыз олы тормыш юлына беренче адымнарын ясый. Аларга армый-талмый алга барырга, куйган максатларын тормышка ашырырга язсын дигән изге теләктә калабыз. Кая гына барсагыз да, кем генә булсагыз да, мәктәбебез горурлыклары булып калыгыз. Уңышлар сезгә!

    Санаулы көннәр тиз үтә. Бүген, 21 июнь, лагерьның соңгы көне. Лагерьда бик күңелле бәйрәм – Сабантуй  гөрләде. Балалар бик күп уеннар уйнадылар: капчык киеп чабу, кашык белән су ташу, чүлмәк вату... . Уеннар җыр, бию, нәфис сүз белән үрелеп барды. Бәйрәмдә берәү дә бүләксез калмады. Лагерь балаларга бик ошады. Сау бул, лагерь!

20 июня участники антинаркотического проекта «SаМоSтоятельные дети» МБОУ  « Ашитбашская СОШ имени Г.Тукая» организовали и провели  флэш – моб « Будь здоровым! Танцуй!»

18 нче июнь лагерыбызда су көне итеп үткәрелде. “Су, су, тирә-якта су” темасына әңгәмә үткәрелде. Су буйларында, сулыкларда куркынычсызлык һәм үз-үзеңне тоту кагыйдәләре аңлатылды.  Бүген без “Нептун бәйрәме”  үткәрдек. Бәйрәмдә су белән төрле  уеннар уйнадык. Җиңүчеләргә бүләкләр тапшырылды. Көн бик күңелле үтте.