Бүген  үткәннәрнең якты хатирәсе булып күңелдә калган пионер оешмасы төзелүгә 95 яшь тулды. Бөтенсоюз пионер оешмасы балаларны Ватанга һәм туган халкына тугры булырга,  олыларны хөрмәт итәргә, кечкенәләргә булышырга өйрәтте.

Моннан 27 еллар элек 19 май Пионерия көне буларак билгеләп үтелә иде. Бу көнне урман-кырларга чыгып, пионер учаклары ягылды, дружина сборлары үткәрелде. Мәктәп балалары өчен генә түгел, зурлар өчен дә чын бәйрәм була иде бу көн. Ул бәйрәм балаларның тормышына бер ямь, жылылык кертте, бердәмлек һәм дуслык хисе уятып торды...

  Мәктәбебездә  әлеге дата зурлап  уздырылды. Бәйрәмгә  октябрят,пионер,комсомол сафларында тәрбияләнгән, хезмәт юлларын шушы эшчәнлек белән бәйләгән,күп еллар пионервожатый  булып эшләгән  ветеран укытучыларыбыз килде.   Бәйрәмне без дә "учак янында" үткәрдек. Учакның беренче ялкыны "Тарих эзләре буйлап" , икенче ялкыны “Пионервожатый истәлекләре”, өченче ялкыны “Варисларда кунакта “дип аталды. Укучыларыбыз пионерия тарихы, аның узган юлы белән таныштылар ,пионер җырларын искә төшерделәр, ветераннарыбыз үзләренең истәлекләрен сөйләделәр.

  4 класс укучылары өчен бу көн аеруча истә калыр дип ышанабыз, алар мәктәбебезнең яшь варислары булдылар

Бүген мәктәбебез укучылары район күләмендә үткәрелгән асфальтка рәсем ясау конкурсында актив катнаштылар һәм  зур җиңүләр белән кайттылар. “Юл кагыйдәләрен бел һәм сакла!” номинациясендә башлангыч класслар арасында 2 класс укучысы Шәвәлиева Ралия 2 нче урынны һәм шул ук номинациядә өлкән класс укучылары арасында Хәлимова Айзирәк  2 нче урынны яулады. Укучыларыбызны җиңүләре белән котлыйбыз, алга таба да уңышлар көтеп калабыз.

Ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көне билгеләп үтелә. Мәктәптә Гаилә көне уңаеннан класс сәгатьләре үтте.

Сегодня ученица 9 класса Халимова Айзиряк приняла участие в X Конкурсе научно-исследовательских и творческих работ «Нобелевские надежды КНИТУ – 2017» и заняла 2 место в номинации «Языковая культура».

Бүген мәктәптә  Г.Тукай исемендәге Әтнә авыл хуҗалыгы техникумыннан Сабиров Рафаэль Фоат улы  9 класс укучылары белән очрашу уздырды.  Ул техникум, аның бүлекләре, уку тәртибе, имтиханнар турында сөйләде. 

Картаймагыз әле,ветераннар,

Картаймагыз,әй, тынгысыз  җаннар,

Сезгә тиеш әле бик күп язлар,

Сезгә тиеш әле бик күп назлар!

 Сезне халкыбызның олы бәйрәме – Бөек Җиңү көне белән чын күңелдән тәбрик итәбез. Бик зур корбаннар һәм тиңдәшсез батырлык бәрабәренә яулап алынган Бөек Җиңү нуры күпмилләтле халкыбызның бердәмлеген, ватанпәрвәрлеген чагылдыра.    Менә җиргә җитмеш  икенче Җиңү язы аяк басты! 

Бөек Җиңүнең 72 еллыгы уңаеннан котлап, Сезгә чын йөрәктән исәнлек-саулык, күңел күтәренкелеге һәм якыннарыгызның җан җылысын тоеп яшәвегезне телибез. Тормышыгыз имин, көннәрегез якты, күңелегез һәрчак шат булсын. Бәйрәм белән!

Җиңү көне иң зур бәйрәм бит ул,
Дүрт күз белән зарыгып көткән көн.
Күпме кайгы, югалтулар аша
Илгә шатлык алып килгән көн.

6 май көнне  авыл үзәгендә Бөек Җиңүнең 72 еллыгына багышланган митинг булып үтте. Һәйкәл янына барлык авыл халкы җыелган иде.  Митингта    ветераннарны   котлаулар,   һәйкәлгә   венок  салу  ,  балалар  чыгышы  булды.