Бүген 8 июнь лагерьда "  Чисталык дөньяны саклый” акциясе үтте. Шул уңайдан "Салават күпере" ял лагерьенда  "Табигатьне саклау hәркемнең бурычы" дигән темага әңгәмә уздырылды. Әңгәмә барышында табигатьне саклау,аның байлыкларыннан файдалану турында фикер алыштылар. Балалар арасында "Табигать- дусты бул" дигән темага рәсем конкурсы үткәрелде.  Экология буенча белемнәрен ныгыттылар.

      7 нче июнь көнне лагерыбызда “Гүзәллек бакчасы...” дигән темага мәдәни чара булды. Программада: “Чәчәкле җәй” темасына  асфальтка рәсем ясау конкурсы, җыр-бию, нәфис сүз, әкиятләргә ияреп күңелле старт уеннары булды.  Рәсем  конкурсында Сабитова Азалия, Абдуллаҗанов Ирек, Солтанов Илшат, Ситдикова Рәзилә җиңү яуладылар. Соңыннан “Хәзинә эзләү” уенын бигрәк тә яратып уйнадылар. Көнебез күңелле узды.

Лагерьда  бүгенге көн тулысы белән спортка багышланды. Иртәнге аштан соң “ Сәламәт тәндә – сәламәт акыл” дигән темада беседа уздырылды. Балалар спорт, аның тарихы белән таныштылар. Спортзалда  төрле спорт уеннары уйнадылар , эстафета ярышы уздырылды. Көннең икенче яртысында  шашка- шахмат уеннары уйнадылар.  Көн бик күңелле һәм файдалы узды.

Акчишмә башлангыч мәктәбе укучылары, укытучылары, китапханәче Мөхәммәтдинова Халидә апалары белән берлектә Хәтнә авылына экскурсиягә бардылар. Укучылар Хәтнә су заводы, яңа ачылган гыйбадәтханәләр, чиркәүдәге музей, аның тарихы белән таныштылар. Изгеләр чишмәсенең саф, салкын суын эчтеләр, табигатьнең матурлыгына сокландылар. Табигать кочагында ашау да тәмлерәк, уеннар да күңеллерәк булды.

Бүген 3 нче июнь көнне кояшлы матур иртәдә балалар  лагерьга  бик теләп җыелдылар. Алар  берсенннән- берсе бик матур итеп киенеп килгәннәр.“Исәнме, ямьле җәй” дигән темага концерт күрсәттеләр. Балалар бик матур итеп җырладылар, биеделәр, шигырьләр сөйләделәр.

Көннең икенче яртысында “Кояшта сак бул!” дигән  чарада катнаштылар.. Көнебез бик күңелле үтте

Бүген  лагерьда  китапханә көне үткәрелде. Балалар авыл китапханәсендә экскурсиядә булдылар. Китапханәче Талия Сабитова  “ Балачак бәйрәме” исеме астында кызыклы,мавыктыргыч  чара уздырды.  Бәйрәм барышында ел дәвамында ин күп китап укыган балаларга грамота һәм истәлекле бүләк тапшырды.  Ахырдан балалар китапханәгә кайткан яңа китаплар белән таныштылар.

 1 нче июнь  көнне “ Салават күпере” мәктәп яны лагеры  эшен башлап җибәрде.  Лагерьга балалар бик теләп, шатланып килделәр.  Лагерьның  нәкъ менә бүген башлануы юкка гына түгел.Чөнки җәйнең беренче көне – балачак иленең иң матур бәйрәме  “ Халыкара балаларны яклау” көне.

31 нче май көнне башлангыч сыйныф укучыларының ата-аналар җыелышы булып узды. Җыелышта класс җитәкчеләре ата-аналарны уку елы йомгаклары белән таныштырдылар. Укучыларның җәйге ялын файдалы итеп үткәрү , мәктәп яны лагерының эш программасы, көндәлек режимы турында әйтеп кителде. Җәйге каникул чорында үтәлергә тиешле юл йөрү, пожар куркынычсызлыгы кагыйдәләре, су буйларына ялгыз бармау, таныш булмаган кешеләр белән аралашмау, интернетта ярамаган группаларга, сайтларга кермәү турында ата-аналарга кабат аңлатылды һәм кул куйдырылды.

Бүген 7 класс укучыларының класс җыелышы булды. Җыелышта чирек нәтиҗәләре, укуга караш турында сөйләштек. Каникуллар вакытында үз-үзеңне тоту кагыйдәләрен искә төшердек