Шахмат ярышлары тәмам. Җиңүчеләрне, приз алучыларны котлаулар башланды. Үз яшьтәшләре арасында “Арча хәбәрләре” газетасы призына оештырылган ярышларда уйнаган иң оста уенчыларга “Арча хәбәрләре” газетасының Мактау грамоталары, истәлекле бүләкләр тапшырылды.

Командалар арасында Шушмабаш мәктәбенең шахматчылар төркеме 2нче урынны алды. 3нче урында – Ашытбаш мәктәбе укучылары. 1нче урынны һәм Күчмә кубокны Балтач районы Борбаш мәктәбенең шахматчылары алды. Укучылар сараенда тренер Айдар Яхинда тәрбияләнүче шахматчылар үзләрен оста уенчылар буларак танытты. Команда махсус приз белән бүләкләнде.

География атналыгы кысаларында 3класс укучылары белән берлектә “Смешариклар белән уен” исеме астында ачык чара үтте. Әлеге чараны география укытучысы Гыйззәтуллина Г.Х. оештырды. Кичә мультфильм геройлары белән үрелеп барды. Укучылар әйләнә- тирә дөнья дәресләрендә үткән материалны тулысынча исләренә төшерделәр, бик күп сорауларга җавап бирделәр, ребуслар чиштеләр. Үзләренең белемле икәннәрен исбатладылар. Нәтиҗәдә “Крош” командасы җиңү яулады.

17  январьда  15.00  сәгатьтә  Арча  Укучылар  сараенда  “НУР”  телерадиостудиясенә  татарча  сөйләү  буенча  кастинг  була.  7-8  сыйныф  укучылары  катнаша  ала.  

Бүген  мәктәбебездә «Арча хәбәрләре» газетасы  призына традицион шахмат бәйгесенең чираттагысы башланып китте. Быел да ул үзенчәлекле уза . Беренчедән,  узган елдан башлап бу дәрәҗәле ярышлар хәзер район үзәгеннән читтә, авыл мәктәпләрендә уза һәм аның географиясе дә киңәя. Быелгы ярышларда да район мәктәпләре командаларыннан тыш күрше Балтач районы укучылары да катнаша. Икенчедән, быелгы турнирны үткәрү тәртибе дә үзгәреш кичерде. Хәзер шахматчылар яшь категорияләренә бүленеп уйный : башлангыч сыйныф, 5-6 һәм 7-9 сыйныфта укучы малайлар һәм кызлар аерым көч сынаша. Бу киләчәктә республика ярышларына районыбызның иң көчле шахматчы балаларын сайлап алу өчен дә кулай. Чөнки анда бәйгеләр нәкъ шул тәртиптә үткәрелә.

 Турнирны ачу тантанасына район башкарма комитеты җитәкчесе урынбасары Рамил Гарифҗанов  килде. Ул яшьләргә уңышлар теләде, бәйгене оештыручыларга, катнашучыларга рәхмәтен җиткерде. Киләчәктә дә районыбызда спортны җәелдерүгә зур игътибар биреләчәген билгеләп китте. Газетаның баш мөхәррире Исрафил Насыйбуллин мәктәп коллективына бәйгене кабул итеп алганнары, тренерларга балаларны туплап алып килгәннәре өчен рәхмәт әйтте, киләсе елларда да бу матур традициянең дәвамлы булачагына ышаныч белдерде.

       Ярыш башланды. Аның нәтиҗәләре  көн дәвамында билгеле булачак.

       Барыгызга да уңышлар!

 Бүген югары сыйныф укучыларының чираттагы утырышы булып узды. I яртыеллыкка йомгак ясалды, киләчәккә эшләр планлаштырылды. Газетаның январь санын чыгару буенча сөйләшенде. Шулай ук укуга аңлы караш, тәртип, спорт юнәлешләре дә читтә калмады.

Пакет документов по обеспечению безопасности в период НГ и зимних каникул

Кышкы каникул вакытында укучылар , ата-аналар белән берлектә,  Яңа Кырлайда Кыш бабай һәм Кар кызында кунакта булдылар. Аларны Шүрәлеләр каршы алып сихри урманга алып кереп киттеләр,анда алар убырлы карчык өендә кунак  булдылар. Шүрәлеләр укучыларны төрле уеннар уйнатып , Кыш бабайның өенә озаттылар. Балалар уеннарда катнашып, күңелле ял иттеләр. 

Кышкы каникуллар тәмам. Яллар бик матур, күңелле һәм файдалы узды. 2017 нче ел җиһанга аяк басты. Бу ел да уңышлы , имин, тыныч, матур ел  булсын! Барыгызга да киләчәктә уңышлар. нык сәламәтлек, бәхет, шатлык-куанычлар гына телибез!