Сәламәтлек – иң зур байлык. Мәктәбебезнең иң мөһим бурычларыннан берсе – укучыларга сәламәтлекне саклау һәм ныгыту турында белем бирү, үз сәламәтлегең хакында даими кайгырту теләге уяту, һәр укучыны моңа өйрәтү, күнектерү. Кеше сәламәтлегенә куркыныч тудыручы сәбәпләрнең берсе – наркомания.

    Әлеге  начар гадәттән  кисәтү, наркотикларның  зарары турында күбрәк мәгълүмат бирү максатыннан, шулай ук наркотикны кулланган, саклаган, саткан очракларда  җинаять  җаваплылыгына дучар булуларын,  тәрбия эшләре буенча директор урынбасары Ә.К.Әхмәтгалиева  “Наркотикларга – юк!” дип исемләнгән  лекторийда  ачык аңлатты. Укучыларның сорауларына җавап бирде. Ахырдан анкета уздырылды.

16 ноябрьдә мәктәбебездә  укучылар арасында шахмат ярышы узды.   Ярыш нәтиҗәләре командалар арасында түбәндәгечә:

1 урын –Әтнә җыелма командасы

2 урын – Ашытбаш урта мәктәбе командасы

3 урын –Шушмабаш урта мәктәбе командасы

   Җиңүчеләрне чын күңелдән котлыйбыз! Киләчәктә дә зур уңышлар , нык сәламәтлек телибез.

Члены отряда старшеклассников “Сердәш”приняли  участие во Всероссийской антинаркотической акции «Сообщи, где торгуют смертью». 

    Школьники раздавали прохожим листовки, призывая всех не употреблять наркотики и вести здоровый образ жизни. Активисты распространяли листовки в школе, на улице и в других общественных местах.

Заместитель директора по воспитательной работе  А.К.Ахметгалиева и преподаватель истории  Р.Р. Хисамиев участвовали  в районном семинаре-практикуме на тему  "Роль семьи в сохранении традиции".

14 нче ноябрьдән 23 нче ноябрьгә кадәр  “Үлемне кайда сатуларын хәбәр ит!” россиякүләм антинаркотик акциясе старт алды. Мәктәбебез дә әлеге акциягә кушылды. Расланган план нигезендә  чаралар башланды.

     Арча педагогика көллияте бинасында   II Халыкара фәнни-практик конференция булып узды. “Рухи тәрбия контекстында милли-мәдәни компонент” темасына багышланган конференция көллияткә Габдулла Тукай исеме бирелүгә 70 ел тулуга багышланган иде. Конференциядә 250дән артык кеше катнашырга теләк белдергән, 180 кеше катнашты. Безнең мәктәбебездән башлангыч класслар укытучысы Хәбибуллина Рәмзия Рифат кызы “Балаларга әхлак тәрбиясе бирү үзенчәлекләре” , Ибраһимова Люция Фәрид кызы “Халык педагогикасына нигезләнеп, балаларга әхлак тәрбиясе бирү” дигән темага чыгыш ясадылар. 

В школе проходит Неделя русского языка и литературы.14ноября учитель русского языка и литературы Хисамиева Р.Р. показала открытый урок в 9 классе по теме "СПП с придаточными определительными".  Пятиклассники соревновались в знании русского языка на викторине "Великий и могучий русский язык".Они выполняли интересные задания, отгадывали загадки, объясняли фразеологизмы.

12  ноябрьне халыкта “Песнәкләр көне”  дип йөртәләр. Безнең урманнарда, паркларда 7 төрле песнәкне  очратырга була. Иң зурысы  һәм  аерылып  торганы – зур песнәк. Бер пар песнәк кыш буена 40 төп җимеш агачын корткычлардан чистарта, миллионнарча бөҗәкләрне юк итә. Песнәкләр  февраль башында  сайрый. Алар  кыш тәмамланганын хәбәр  итә. Көз һәм кыш көннәрендә алар җимлекләргә бик еш килә. 

Татарстан Республикасы Конституциясен кабул итү көне 1992 елдан башлап билгеләп үтелә. Бу бәйрәм республика Төп Законының аерым әһәмиятен, дәүләтнең һәм җәмгыятьнең законлылыкны һәм хокук тәртибен ныгытуга омтылышын гәүдәләндерә.

Һәр бәйсез дәүләтнең үз Конституциясе була. Конституция — төп закон ул. Анда дәүләтнең иҗтимагый, икътисадый корылыш нигезләре, гражданнарның хокуклары һәм бурычлары билгеләнгән.

Татарстан Республикасы Конституциясе 1992 нче елның 6 нчы ноябрендә кабул ителгән. Конституциядә әйтелгәнчә, Татарстан — демократик дәүләт. Анда барлык хакимият халык кулында. Җир, су, урман һәм башка табигать байлыклары, дәүләт бюджеты акчалары, дәүләт банклары активлары, мәдәни һәм тарихи хәзинәләр — бөтенесе халык байлыгы.

Татарстанның Конституциясе сәяси, икътисадый, социаль һәм мәдәни тормышның барлык өлкәләрендә гражданнарның тигез хокукларын гарантияли. Республикабызда барлык гражданнар да тигез хокуклы һәм тигез бурычлы. Дәүләт аларның тормышын, сәламәтлеген, шәхси иреген яклый. Республика гражданнары хезмәткә, ялга, медицина ярдәменә, чиста табигать мохитенә, торакка, дәүләт уку йортларында түләүсез белем алуга һәм башка хокукларга ия.

Дәүләт гаилә турында кайгырта, ана белән баланың сәламәтлеген саклауга һәм балаларны тәрбияләүгә аерым игътибар бирә. Татарстанда һәрбер кешегә сүз, матбугат, фикер һәм вөҗдан иреге бирелә.

Татарстанда дәүләт телләре — тигез хокуклы татар һәм рус телләре. Татарстан Республикасы башка дәүләтләр белән ышанычлы мөнәсәбәтләр урнаштыра, икеяклы килешүләр төзи, вәкиллекләр белән алмаша, халыкара оешмалар эшчәнлегендә катнаша.

Татарстан Республикасы гражданнары Конституцияне һәм барлык законнарны үтәргә бурычлы. Алар башка гражданнарның намусын һәм милли горурлыгын хөрмәт итәргә, закон тәртибендә салымнар түләргә һәм хәрби хезмәт үтәргә, дәүләт чыгымнарында катнашырга, табигатькә сакчыл мөнәсәбәттә булырга, мәдәни хәзинәләрне һәм тарихи истәлекләрне сакларга, башка илләрнең халыклары белән хезмәттәшлекне үстерергә, бөтен дөньяда тынычлыкны ныгытырга  бурычлы.