“Юлда булсаң,уяу бул”-дигән кисәтүле сүзләр астында мәктәбебездә юл йөрү кагыйдәләрнә багышланган кичә үткәрелде.Бу кичәгә ГАИ хезмәткәре Энҗе Газизовна да килгән иде.Кичәдә юл йөрү кагыйдәләре искә төшерелде.Тормышта да шул кагыйдәләрне төгәл үтәргә кирәклегенә басым ясалды.

       Ни арада җәй үтте,

       Матур көз килеп җитте.

       Күңелле көз бәйрәмен

       Балалар күптән көтте.

   Бүген башлангыч класс укучылары катнашында “Сөмбелә” бәйрәме үтте. Бәйрәмдә балалар “Шалкан” әкиятен сәхнәләштерделәр, көз турында шигырьләр сөйләделәр, җырлар башкардылар, биюләр биеделәр. Көз кызы Сөмбеләнең кызыклы биремнәрен үтәделәр, күңелле уеннар уйнадылар. 

Әти кешенең тәрбия эшендә ни дәрәҗәдә катнашуына карап, баласының нинди шәхес буларак җитешәчәген фаразлап була. Яшүсмер өчен әти аеруча кирәк. Бу чорда әти кешенең ныклы карашы, үз-үзенә ышанычы, ихтыяр көче һәм тәвәккәллеге кебек бик кирәкле сыйфатларга игътибар итә башлыйлар. 
  Өлкән сыйныф укучылары өчен, әти белән бергә вакыт үткәрүдән битәр, җитди темаларга әңгәмәләр, фикер алышуларга ихтыяҗ арта. Бу яшьтә дөньяга караш формалаша бит.  Ә бала өчен иң абруйлы зат – нәкъ менә әти кеше инде. 
   Мәктәбебездә  чараларны , тәрбия сәгатьләрен  “Әтиләр Советы” членнары белән берлектә үткәрү дәвам итә. Бүгенге көн тәртибе –җитди.  Патриотик  тәрбия.

Мәктәптәбебездә укучыларга  эзлекле рәвештә хезмәт тәрбиясе бирелә: алар төрле һөнәр серләренә өйрәнәләр, җәмгыятькә файдалы, җитештерүчән хезмәттә катнашалар. 

  Бүген дәресләрдән соң 5 класс укучылары мәктәп китапханәсендә уздырылган  “Чисталык  көне”ндә катнаштылар. 

19 нчы октябрь көнне мәктәптә өмә узды. Тирә-якны чистарту, чүпләрдән арындыру, яшелчәләрне кышкы саклауга кую, карлыган-кураларны бәйләү кебек эшләр башкарылды.  Орлыклар читартылды. Бакчаларда инде эш тәмамланды.

14 нче октябрь көнне Арчада район мәктәпләренең 11нче класс укучылары арасында ГТО буенча көзге фестивальнең муниципаль этабы үтте.Укучыларыбыз нормативларны уңышлы тапшырды.

      Спорт үсеп килүче буынның сәламәтлеген, физик үсешен һәм физик әзерлеген дә ныгыта, ихтыяр көче тәрбияли.