Бүген  җиһанда 1 нче сентябрь -Белем бәйрәме. Чәчәк бәйләмнәре тоткан балалар мәктәпкә ашыга. Балалар өчен генә түгел, әти-әниләр, әби-бабайлар өчен дә дулкынландыргыч көн шул бу.1 нче  сыйныф укучылары бүген Белем иленә сәяхәтләрен башлыйлар. Быел  Ашытбаш  урта мәктәбенең 1 нче сыйныфына 6 укучы керә.

     Бәйрәм тантанасы ачык дип белдерелде.  Укучыларны мәктәп директоры  Кавиева Рәмизә Рәисовна , ТР  хәрби комиссариатының Арча һәм Әтнә районнары буенча бүлек җитәкчесе Борһанов Алмаз Әгъзамович   , Арча мәгариф бүлеге методисты Феоктистова Гөлфирә Хәнәфиевна, ветеран укытучылар котладылар, үзләренең изге теләкләрен җиткерделәр. 

     Мәктәптә матур традиция бар : мәктәпкә иң беренче килгән укучы, бер көн дә дәрес калдырмаган укучылар да бүләкләнә.

     Узган уку елында аеруча зур уңышларга ирешкән укучылар һәм укытучыларны да бүләкләр көтә иде. Һәр номинация буенча җиңүчеләр билгеләнде:

- Сәлимҗанова Гөлинә – районкүләм  "Ел укучысы" бәйгесе , республика олимпиадасы җиңүчесе ;

-Сафина Гөлназ - республика олимпиадалары призеры ;

-Гатауллина Фаягөл – “Иң актив укучы” номинациясендә җиңүче.    

    Спорт өлкәсендә актив, күп ярышларда җиңүче укучыларның да урыннары түрдән  булды.Менә алар: 

-          Файзрахманова Рузилә

-          Шарипов Илфат

-          Файзрахманова Айзилә

     Мәктәптә , узган уку елы нәтиҗәләре буенча, укытучылар арасында да җиңүчеләр сәхнә түренә чакырылды:   

-Фәхретдинова З.С., Әүхадиева М.Р. – халыкара, республика фән олимпиадалары призерлары әзерләгән өчен;

-Сабирҗанов Н.Ф. республика һәм районкүләм спорт ярышларында җиңүчеләр әзерләгән өчен;

-Әхмәтгалиева Ә.К., Ибатуллина Н.Г.- регионара, республикакүләм фәнни-гамәли конференцияләрдә җиңүчеләр әзерләгән өчен;

-Хисамиева Р.Р., Рахматуллина Х.С., Хисамиев Р.Р. – республикакүләм фәнни-гамәли конференцияләрдә җиңүчеләр әзерләгән өчен;

-Рахматуллина Р.Р. – Т.Миңнуллин истәлегенә багышланган республикакүләм бәйгесенең  “Театр яктылыкка, нурга илтә!”  номинациясендә җиңү яулаган өчен.

 Шулай ук бүгенге иртәдә  беренче эш көнен башлаган инглиз теле укытучысы Файзуллина Ф.Ф.,  юбиляр укытучыларыбыз да сәхнә түренә чакырылды. Берсеннән - берсе матур теләкләргә кушылып, җыр яңгырады.

Тантаналы линейкадан соң, 1 дәрескә кыңгырау чыңлады. Балалар дәрескә ашыкты. 1 дәрес - Тынычлык дәресе. Дөньялар һәрвакыт  тыныч,имин,  күк йөзе аяз, балалар шат һәм бәхетле булсын. Хәерле сәгатьтә!

1 сентябрь көнне Акчишмә башлангыч мәктәбендә Белем бәйрәме үткәрелде. Белем бәйрәме кеше тормышындагы иң зур бәйрәмнәрнең берсе һәм ул аны гомере буе матур хатирә булып озата бара. Бу кичә балаларның матур шигырьләре, җырлар белән үрелеп барылды. Балаларны Акчишмә күмәк хуҗалыгы исеменнән Хафизова Ания Нәүфәр кызы һәм Хафизуллина Резеда Ренат кызы һәм китапханәчебез Мөхәммәтдинова Халидә апалары, әти-әниләре котлады. 

Кадерле  укытучылар ,укучылар һәм ата–аналар!
    Сезне чын күңелдән Белем көне белән котлыйбыз!
    Бу бөтенләй үзенчәлекле бәйрәм, матур көз һәм яңа уку елы башлану чоры. Иртәдән мәктәп формасындагы һәм иксез–чиксез чәчәк бәйләмнәре тоткан балалар мәктәпләргә юнәлә, парталар артына утыра, укытучылар яңа дәресләргә әзерләнә. Шушы көннән белем дөньясына гаҗәеп юл башлана.

Мәктәптә укыган еллар, һичшиксез, гаять мавыктыргыч, бай эчтәлекле һәм кеше гомеренең онытылмаслык, әмма шул ук вакытта бик җаваплы да чоры. Белем уңышлы һөнәри эшчәнлек өчен иң мөһиме булып тора, ә мәктәп белем биреп кенә калмый, ул — беренче тормыш тәҗрибәсе дә, характерны формалаштыра һәм ныклы дуслык бүләк итә.

    Әлеге матур бәйрәмдә барлык укучыларга, ата–аналарга, укытучыларга нык сәламәтлек, иминлек, укуда һәм яңа казанышларда уңышлар телибез. Сезнең кыюлыгыгыз һәм зирәклегегез, иҗади якын килү, яңа идеяләр тәкъдим итү сәләтегез һәркайсыгызга матур киләчәк тәэмин итсен!

Сегодня, 29 августа,  состоялся педагогический совет на тему "Итоги работы школы за 2015-2016 учебный год. Цели, задачи и перспективы развития школы на 2016-2017 учебный год". Первой взяла слово  директор школы Р.Р.Кавиева, рассказав о положительных моментах в работе школы. Среди них стабильный кадровый состав коллектива, положительные итоги ЕГЭ и ОГЭ, успешная социализация учеников, создание комфортной эмоционально-психологической обстановки в школе.

Ел саен районыбызда,  матур гадәт буенча,  чәчәкләр күргәзмәсе уза. 

Һәр чәчәк үзенә күрә нәфис һәм күз явын алырлык, ә инде кеше фантазиясе һәм иҗат байлыгы кушып ясалган чәчәк күргәзмәләре  аеруча соклану уята.

27 август көнне Республика бәйрәменә багышлап, мәктәпләрнең ярминкәсе һәм чәчәкләр бәйрәме гөрләп узды.  Безнең мәктәп коллективы да бу бәйрәмдә актив  катнашты. Мәктәп бакчасында үскән яшелчә, җиләк-җимешне Арча халкы бик теләп алды. 

26 августа на базе Старочурилинской школы прошло августовское совещание заместителей директоров по воспитательной работе на тему "Формирование гражданской  активности и патриотизма как приоритетное направление государственной политики в сфере образования".