Сезне чын күңелдән һөнәри бәйрәм - Укытучылар көне белән котлыйбыз!

    Сезнең барыгызга да нык сәламәтлек, гаилә бәхете,  иҗади уңышлар, иминлек, хезмәт җиңүләре телибез.

    Сезнең тырышлыгыгыз, талантыгыз, йокысыз үткәргән төннәрегез шатлык булып кайтсын. Бәхет, җан тынычлыгы юлдаш булсын. Бәйрәмегез белән Сезне! 

Югары сыйныф укучыларының “Сердәш” берлеге 8-11 нче сыйныф укучыларын берләштерә. Бүген дә алар чираттагы утырышка җыелдылар. Эшләнелгән эшләргә йомгак ясалды. Октябрь аена эшләр планлаштырылды. Өлкәннәр декадасы, Укытучылар көне, Көзге бал бәйрәмнәрен оештыру мәсьәләсе хәл ителде. Шулай ук укуга аңлы караш, тәртип, иҗат, спорт юнәлешләре буенча да  сөйләшенде.

“Халыкара Өлкәннәр көне” уңаеннан төрле чаралар дәвам итә.

  Бүген мәдәният йортында  “Безнең кадерлеләребез” дигән  исем астында укучылар тарафыннан концерт  куелды.

  Соңыннан  бәйрәм  чәй өстәле артында дәвам итте. Барлык өлкәннәр дә бәйрәм чараларыннан бик канәгать булып кайтып киттеләр.

Мәктәбебезнең 8 нче сыйныф укучылары хезмәт ветераны Төхфәтуллина Тәкъмилә апага шефлык итәләр. Өлкәннәр көнендә дә онытмадылар аны. Өенә барып  бәйрәм белән котладылар, хәлләрен сораштылар. Кызлар өйдәге эшләрдә булыштылар, малайлар йорт тирәсен чистарттылар. Тәкъмилә апа балаларга рәхмәтләрен әйтеп, изге теләкләрен теләп, озатып калды.

Илебез буенча октябрь ае башында Өлкәннәр көне уздырыла. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз , хезмәттәшләребез булган өчен дә хөрмәт итәргә тиешбез. Шул уңайдан без дә үзебезнең лаеклы ялда булган  пешекчебез Гыйззәтуллина Тәнзилә апаны һәм китапханәчебез Мөхәммәтдинова Фатиха апаны бәйрәм белән котладык. Рәхмәт сезгә, өлкәннәр! 

1 нче октябрьдә  мәктәбебездә Өлкәннәр көне үткәрелде. Бәйрәмгә  мәктәптә , балалар бакчасында эшләгән өлкәннәребез  чакырылган иде. Укучылар тарафыннан концерт куелды, өлкәннәр үзләре дә чыгыш ясады. Бәйрәм табын артында дәвам итте.

В рамках развития Региональной системы оценки качества образования проводится  стартовая диагностика обучающихся при переходе из начальной в основную школу:

28 сентября – математика

30 сентября – русский язык

4 октября – читательская грамотность

6 октября - анкетирование

Акчишмә башлангыч мәктәбендә 1 класс укучылары белән мәктәп территориясенә агачлар утыртылды. Һәр агачка укучыларның исем, фамилиясе, утырту вакыты язылды. Балаларга агачларның кешеләр өчен әһәмияте аңлатылды, табигатькә карата сакчыл караш тәрбияләнде.