25 нче ноябрь көнне 8нче сыйныф укучыларының әти-әниләр җыелышы булып узды. Җыелышта күпчелек әти-әниләр катнашты. Алар башта рус теленнән ачык дәрес карады. Балаларының дәрестә җавап бирүе, белеме, ОГЭ га әзерлекләре турында белделәр. Соңыннан беренче чирек нәтиҗәләре, укучыларның уңышлары, дәрес хәзерләүдәге җитешсезлекләр, медосмотр нәтиҗәләре белән таныштырылды.

Бүген  мәктәптә 9 нчы  класс укучыларының  ата-аналар җыелышы булып узды. Укыту эшләре буенча директор урынбасары Шарипова Р.Ф. I нче  яртыеллык нәтиҗәләре, ОГЭ  га әзерлек белән таныштырды. Ахырдан мәктәптә узган  медосмотр нәтиҗәләре һәм ата-аналарны кызыксындырган сорауларга класс җитәкчесе җавап бирде.

 24 нче ноябрь көнне  мәктәптә  Татарстан “Мәгариф” ассоциясе “Иллюзия” театр-студиясе  тарафыннан “Иллюзия-фокуслар” дип аталган шоу күрсәтелде. Татарстанның атказанган сәнгать эшлеклесе , цирк сәнгате фестивале лауреаты Альберт  Гадел  чыгышы укучыларда зур кызыксыну һәм соклану хисләре уятты.

24 нче ноябрь көнне Ашытбаш мәдәният йортында  Әниләр көненә багышланган  “Чын күңелдән  котлаулар” исеме астында бик матур, эчтәлекле бәйрәм концерты булды.

Мәктәбебез  укучылары  район мәдәният йортында уздырылган   “Көзге бал – Осенний фьюжн”  бәйрәмендә катнаштылар . Күз явын алырлык  итеп киенгән егетләр –кызлар  30 нчы еллар вакытына әйләнеп кайткандай булдылар, шул чорның биюен биеделәр, төрле  шаян бәйгеләрдә катнаштылар,сорауларга җавап бирделәр.  Бәйрәм укучылар күңелендә уңай тәэсирләр калдырды.

С 28 ноября по 4 декабря 2016 года во всех образовательных организациях проводится II Всероссийская акция «СТОП ВИЧ/СПИД». В рамках акции 1 декабря 2016 года пройдет Всероссийский  открытый урок «День единых действий по информированию детей и молодежи против ВИЧ/СПИДа «ЗНАНИЕ – ОТВЕТСТВЕННОСТЬ – ЗДОРОВЬЕ» для обучающихся общеобразовательных организаций на официальном сайте Всероссийской акции СТОПВИЧСПИД.РФ. 

23 нче ноябрьдә мәктәбебездә 6 башлангыч профсоюз оешмасы арасында бадминтон һәм өстәл теннисы буенча зона ярышлары үтте. Профсоюз членнары матур уен күрсәттеләр. Бадминтон буенча Хабирова Сиринә (Сикертән), Набиуллин Разил (Сикертән); өстәл теннисы буенча Шамсемухаметова Гөлназ (Сикертән), Габделахатов Марат (Ашыт) 1 нче урыннарны яуладылар. Җиңүчеләргә алдагы ярышларда да уңышлар телибез.

    “Үлемне кайда сатуларын хәбәр ит!” антинаркотик акциясе кысаларында  “Шахмат уйнагыз, дуслар!” мәктәп проектына 3нче класс укучылары да кушылды. Алар шахмат уйнау серләрен өйрәнәләр.

Һөнәр сайлауда юнәлеш бирү максатыннан, Ашытбаш урта мәктәбендә район мәктәпләре югары сыйныф укучыларының Казан дәүләт аграр университеты һәм Казан дәүләт ветеринария медицинасы академиясе вәкилләре белән очрашуы үткәрелде.

Заһидуллин Ленар Рафикович һәм Сафиуллин Нияз Азатович укырга керү тәртибе, уку йортларының өстенлекләре белән таныштырдылар. Укучыларның сорауларына җавап бирделәр.