Безнең халыкта элек –электән өлкәннәргә хөрмәт һәм ярдәм итү изге эш дип саналган. Мәктәбебезнең балалар оешмасы эшчәнлегенең  төп максатларының берсе – укучыларда шәфкатьлелек, мәрхәмәтлелек, игелеклелек, ярдәм, киң күнеллелек, кадер-хөрмәт, игътибарлылык кебек сыйфатлар тәрбияләү.

   Югарыда әйтелгән сыйфатларны укучыларда булдыру, өлкәннәргә ярдәм итү  максатыннан каникул вакытында  “ Шәфкатьлелек яшәсен йөрәктә” акциясен игьлан иттек. Акция барышында укучыларыбыз  ярдәмгә мохтаҗ әби-бабайларга булышалар, тыл һәм хезмәт ветераннары белән очрашып хәлләрен беләләр, алар турында кайгырталар.

      18 март көнне мәктәбебездә эвакуация үткәрелде, укучыларга пожар куркынычсызлыгы кагыйдәләре аңлатылды.

21 март көнне Акчишмә башлангыч мәктәбендә "Туган якны өйрәнү" түгәрәге үзенең эшен дәвам итте. Китапханәче Мөхәммәтдинова Халидә апа белән берлектә төрки халыкларының "Нәүрүз" милли бәйрәме турында укучыларның белемнәре ачыкланды, Нәүрүз бәйрәме килеп чыгу тарихы, аны үткәрү йолалары турында искә төшерелде. Ахырдан укучылар сорауларга җавап бирделәр, презентация ярдәмендә белемнәрен ныгыттылар. 

18 март көнне Ашытбаш мәдәният йортында ата-аналар җыелышы булды. Җыелыштан соң   мәктәпнең иҗат-отчет  концерты башланды. Традиция буенча ел саен үткәрелгән бу концертны әти-әниләр түземсезләнеп көтеп алалар. Берсеннән –берсе матур җыр-биюләр, нәфис сүз, спектакльдән күренешләр белән үрелеп барды концерт. Укучыларның ныклы әзерлегенә , сәхнә осталыгына тамашачы сокланып утырды.

«Государственное  автономное  профессиональное  образовательное учреждение  «Арский  агропромышленный  профессиональный  колледж»  проводил  День  открытых  дверей.  Учащиеся 9-го  класса приняли  участие на  этом  мероприятии. 

17 мартта, узган елгы традицияне дәвам итеп, Арчада быел да матурлык кичәсе — бал булды.  Әлеге әкияти гүзәл принц һәм принцессалар бәйрәмендә барлык мәктәпләрдән килгән егетләр һәм кызлар бал биюләрен башкарды. Костюмнар да искиткеч, яшь биючеләребез дә сокланырлык иде. Мәктәбебезнең укучылары да балга бик теләп катнаштылар һәм матур чыгыш ясадылар. 

Сегодня  прошел районный этап Всероссийского конкурса юных чтецов «Живая классика». Целью данного мероприятия является развитие и популяризация детского художественного чтения, повышение интереса учащихся к классического литературе, поиск и поддержка талантливых детей. Из нашей школы на этом конкурсе успешно выступила  ученица 7 класса Файзрахманова Айзиля и награждена Дипломом.

До выпускных экзаменов остается чуть меньше  3 месяцев, поэтому можем сказать, что  горячая пора у выпускников уже началась. 

Сегодня, 17 марта, состоялся пробный экзамен  по математике для учащихся 11 классов. Целью данного экзамена является получение объективной информации о качестве образования и уровне подготовки выпускников 11-х классов к итоговой аттестации. 

Процедура проведения пробного экзамена максимально приближена к технологии проведения единого государственного экзамена в период проведения государственной итоговой аттестации за курс средней школы. 

15 мартта   мәктәбебез укучылары   Туфан Миңнуллин истәлегенә багышланган укытучылар һәм укучыларның  III республика конференциясендә  катнаштылар .  Конференция Кәрим Тинчурин исемендәге Татар дәүләт драма комедия театрында уздырылды. Конкурс Туфан Миңнуллинның иҗади мирасын өйрәнү,пропагандалау һәм сәләтле балаларның иҗади эшләренә бәя бирү ,сәләтләрен үстерү максатыннан үткәрелде.

Конференция татар театрына нигез салынуга 110 ел,татар халкының бөек шагыйре Г.Тукайның 130 еллыгына, каһарман шагыйрь Советлар Союзы Герое М.Җәлилнең 110 еллыгына багышланды.

 Укучыларыбыз “Драматургия. Театр яктылыкка нурга илтә” номинациясендә катнашып  Ә. Яһудиннең “ Былтыр кысты”( 5класс)  әкиятеннән, К.Тинчуринның  “Сүнгән йолдызлар”( 8-10 класс) спектакльеннән өзек күрсәттеләр. Укучыларыбызның чыгышын мәртәбәле жюри членнары : Татарстанның атказанган артисткасы Исламия Мәхмүтова, Татарстанның атказанган артисты Илдар Хайруллин, Татарстанның атказанган артисты – Ирек Хафизов, Илнур Закиров  бәяләде.

Уңышларыбыз сөенерлек : 5 класс укучылары лауреат исеменә (җитәкчеләре Рахматуллина Р.Р., Абдуллаҗанова Г.Г), 8-10 класс укучылары 2 урынга  ( җитәкчесе Рахматуллина Р.Р )лаек булдылар.

  .         14 март көнне  мәктәбебездә  Татарстан Республикасының халык артисты ,  Муса Җәлил  исемендәге премия лауреаты, Кырым Республикасының атказанган сәнгать эшлеклесе, Бөтендөнья төрки хатын-кызлары бердәмлеге һәм теләктәшлеге ассоциациясе президиумы әгъзасы, “Сөембикә варислары” төрки-татар балалар иҗаты фестивален оештыручы Гөлзадә  Гомәр кызы Сафиуллина белән очрашу кичәсе узды.

     Очрашу кичәсе укучылар чыгышы белән башланып китте. Гөлзадә апа җыр башлап җибәрде. Җыр-моң мәктәп стеналарына гына сыймыйча, урамга агылды, һәрбер йөрәккә барып кагылды. Көчле, чиста, моңлы  тавышы йөрәкләрне айкый, үзенә әсир итә иде.

    Беренче карашка катлаулы тоелган әйберләрне гади генә итеп сөйләп, тарих, тел, җыр-музыка дөньясына алып кереп китте ул безне.   Хөрмәтле кунагыбыз үзенең матур хатирәләре белән уртаклашты.  Укучыларның сораулары күп, кызыксынулары чиксез иде.

   Очрашу кичәсе бик эчтәлекле, матур, җылы узды. Халкыбызның рухи дөньясын баетуда туктаусыз эш алып баручы, үзенең моңлы җырлары белән хәтта  чит ил тамашачысын да әсир итүче , яшь талантларны барлап, олы юлга аяк бастыручы,   тынгысыз йөрәкле якташыбыз Гөлзадә апа Сафиуллина белән  чиксез горурланабыз . Ерак араларны якын итеп очрашуга кайтканы өчен олы рәхмәтебезне белдерәбез һәм киләчәктә дә иҗади уңышлар , нык сәламәтлек телибез!