14 нче февраль изге Валентин көне буларак билгеләп үтелә. Бу бәйрәм Европада – 13 нче гасырдан, ә Россиядә 1990 нчы еллар башыннан бирле үткәрелә. Соңгы елларда бу бәйрәм безнең ил яшьләре тарафыннан да яратып билгеләп үтелә. 14 февраль көнне яшьләр  бер-берсенә – йөрәк формасындагы төрледән-төрле открыткалар, уенчыклар, чәчәкләр бүләк итәләр.

   15  февраль көнне мәктәптә “Изге Вәли көне” бәйрәм ителде. Укучылар бер-берсенә бәйрәм открыткалары бүләк иттеләр, матур теләкләр теләделәр.

   Бүген   мәктәптә  халкыбызның танылган шагыйре Муса Җәлилгә багышланган кичә булды. Балалар баштан Муса Җәлилнең биографиясе белән таныштылар, аның турында истәлекләр тыңладылар. Шагыйрьнең балачагын, тормышын чагылдырган презентация карадылар. Шагыйрьнең әсәрләре буенча китап күргәзмәсе ясалган иде. Кичә татар һәм рус телендә алып барылды. 
    Икенче кисәктә Муса Җәлилнең шигырьләрен сөйләүчеләр бәйгесе булды. Бәйгедә 5-7 нче сыйныф укучылары көч сынашты. Нәтиҗәләр түбәндәгечә:
1 урын – Нуруллина Зәринә
2 урын – Әүхадиев Рүзәл, Хаҗиева Кадрия

3 урын-Хабибуллина Хәния,Файзрахманова Айзилә. 

  Җиңүчеләрне чын күңелдән котлыйбыз! Киләчәктә дә зур уңышлар телибез.

13 февраль көнне Яңа Кенәр мәктәбендә “Аҗаган-2016” ярышының зона этабы үтте. Төрле сынауларны уңышлы үтеп безнең мәктәбебез командасы 2 урынны алды. 27 февральдә алар Арчаның 5 нче гимназиясендә узачак район турында катнашачак. Егет-кызларыбызны җиңүләре белән котлыйбыз,алдагы ярышта аларга яңадан зур җиңүләр теләп калабыз!

Мәктәптә патриотик айлык дәвам итә. Укучыларга хәрби –патриотик тәрбия бирүнең дәрәҗәсен күтәрү, сугышка киткән авылдашларыбызның истәлекләрен барлау максатыннан  китапханәдә   “ Сугыш елъязмалары” дигән тема астында күргәзмә төзелде.

13нче февраль көнне 16.00 сәгатьтә  “Бер очрашу - бер гомер" дип аталган  студентлар белән очрашу кичәсе була .Мәктәбебезне тәмамлап , төрле уку йортларында белем алучы егет  һәм кызларыбызны очрашуга көтеп калабыз.

Мәктәптә “Аҗаган” ярышына әзерлек бара.  Автомат сүтеп җыю, мылтыктан ату, шинельгә төймә тагу, ядрә ыргыту , турникта тартылу кебек күнекмәләр булдырыла. 

9 нчы  февральдә  8 нче класста Батырлык дәресе узды. Авылдашларыбызның Бөек Ватан сугышы чорындагы батырлыклары турында әңгәмә дә  булды.

     Дәрестән соң алар авыл уртасында урнашкан  һәйкәл-обелиск янын  кардан чистарттылар.

    Район мәктәпләре арасында 2015-2016 нчы уку елының  I яртыеллыгына  тәрбия эшчәнлеге буенча нәтиҗә ясалды. Тәрбия эшенең күп тармакларын колачлаган рейтингка күз салсак, безнең мәктәбебез 2 нче урында. Афәрин!

   Мәктәптә уздырылган чираттагы бәйге – иң күп макулатура җыючыга конкурс. Конкурс  “Макулатура тапшыр – бер агачның гомерен саклап кал” дигән девиз астында уздырылды.

   Бу конкурста укучыларыбыз бик теләп катнаштылар.  Беренчедән өйләрдәге артык кәгазьләрдән арынсалар, икенчедән, без табигатьне саклап калуга зур өлеш керттек. Мәктәп күләмендә барлыгы 721 кг макулатура җыелды.

Нәтиҗәләр түбәндәгечә:

1 урын – Ибраһимов Ильгиз ( 8 класс)

                 Гыйзатуллин Ильшат ( 1 класс)

2 урын – Фахрутдинова Илүзә ( 3 класс)

                 Әхмәтгалиев Әмир (2 класс)

                 Сабитова Азалия ( 2 класс)

                 Гашиков Ранил ( 4  класс)

                 Әхмәтгалиев Ленар ( 10 класс)

3 урын – Нуруллина Зәринә ( 1 класс)

                 Шарипов Илфат ( 7 класс)

Класслар арасында:

1 урын – 8 класс

2 урын – 1класс, 2 класс

3 урын – 4 класс